ఈ 6 క్రిప్టో కరెన్సీలు ఒకరోజులో 377% వరకు జంప్ చేశాయి

క్రిప్టో దిగ్గజాలు బిట్ కాయిన్, ఎథేరియం శుక్రవారం ఉదయం క్షీణించాయి. అయితే ఆ తర్వాత సాయంత్రానికి లాభపడ్డాయి. ఉదయం సెషన్‌లో బిట్ కాయిన్ 48,000 డాలర్ల వద్ద ట్రేడ్ అయింది. గ్లోబల్ క్రిప్టో మార్కెట్ క్షీణించింది. బిట్ కాయిన్ నేడు ఓ సమయంలో 49,000 డాలర్లు దాటినప్పటికీ, ఆ తర్వాత మళ్లీ 48,300 దిగువకు చేరుకుంది. బిట్ కాయిన్ గతవారం 50,000 మార్కును దాటింది. అయితే ఒమిక్రాన్ ప్రభావం, భారత ప్రభుత్వం క్రిప్టో బిల్లు నేపథ్యంలో ఇటీవల ఇది 50,000 డాలర్లకు దిగువనే ట్రేడ్ అవుతోంది.

ఎథేరియం 4100 డాలర్ల వద్ద ట్రేడ్ అయింది. గత వారం రోజుల్లో ఎథేరియం 9 శాతం వరకు క్షీణించింది. ఎథేర్ మార్కెట్ క్యాప్ 483 బిలియన్ డాలర్లుగా ఉంది. సోలానా, ఎక్స్‌పీఆర్, టెర్రా, కార్డానో, స్టెల్లార్, పోల్కాడాట్, డోజీకాయిన్, పాలీగాన్, చైన్‌లింక్, యూనిస్వాప్, లైట్ కాయిన్ వంటివి లాభపడ్డాయి. అయితే కొన్ని క్రిప్టోలు నేడు భారీగా లాభపడగా, మరికొన్ని భారీగా పతనమయ్యాయి. అలాంటివాటిలో...

భారీగా లాభపడిన క్రిప్టోలు

మోబియస్ 377 శాతం, హారీ పోటర్ ఒబామా సోనిక్ 372 శాతం, ప్రిన్స్ ఫ్లోకి 251 శాతం, జియోన్ 144 శాతం, స్ట్రీమ్ ప్రోటోకాల్ 140 శాతం, టోకెన్ ఎక్స్ 136 శాతం లాభపడ్డాయి.

భారీగా నష్టపోయిన క్రిప్టోలు

బేబీ బిలియనీర్స్ క్లబ్ 66 శాతం, కల్టి ప్లాన్ 64 శాతం, సేఫ్ డోజీకాయిన్ 62 శాతం, మెటా మాట్రిక్స్ 61 శాతం, సేఫ్ డీల్ 58 శాతం, యునిటీ కామ్ 56 శాతం నష్టపోయాయి.