రూ.14.20 లక్షల కోట్లకు సమానం..

బ్యాంక్ ఆఫ్ మెరిల్‌లించ్ వేసిన ప్రస్తుత మారకం రేటు ప్రకారం 200 బిలియన్ డాలర్లు దాదాపు రూ.14.20 లక్షల కోట్లకు సమానం. ప్రస్తుతం RIL షేర్ల మార్కెట్ క్యాప్ 122 బిలియన్ డాలర్లుగా (రూ.8,54,000 కోట్లు) ఉంది. కంపెనీ రిటైల్, టెలికాం, బ్రాడ్ బ్యాండ్ వ్యాపారాలు ఇందుకు దోహదం చేస్తాయని అంచనా వేశారు. కంపెనీ ప్రారంభించిన ఈ కొత్త వ్యాపారాలన్నీ 2021-22 ఆర్థిక సంవత్సరం నాటికి లాభాలు ఆర్జించే దశకు చేరుకుంటాయని పేర్కొంది. అదే సమయంలో బుల్ మార్కెట్ దూసుకెళ్తే RIL షేర్లకు కలిసి వస్తాయని తెలిపింది.

మొబైల్ పాయింట్ ఆఫ్ సేల్...

అసంఘటిత రిటైల్ మార్కెట్లో ఉన్న కిరణా దుకాణాలను బలోపేతం చేసేందుకు మొబైల్ పాయింట్ ఆఫ్ సేల్ (MPOS)లను అందించే వాణిజ్య చొరవను RIL తీసుకుంది. మైక్రోసాఫ్ట్‌తో కలిసి ఎంఎస్ఈ రంగంలోకి అడుగు పెడుతోంది. అలాగే జియో ఫైబర్ బ్రాండ్ బ్యాండ్ వ్యాపారం, ప్రకటనల వంటి డిజిటల్ కార్యక్రమాల వైపు అడుగులు వేస్తోంది. ఇవన్నీ ఎం-క్యాప్ పెంచుతాయి.

RIL ఆదాయం ఎలా పెరుగుతుందంటే...

బుల్ మార్కెట్ బాగుంటే 2021-22 నాటికి జియో ఒక్కో వినియోగదారుడి నుంచి వచ్చే ఆదాయం ప్రస్తుతం ఉన్న రూ.151 నుంచి రూ.177కు చేరుతుంది. MOPSలను అందించినందుకు 10 మిలియన్ కిరాణా దుకాణాలను నెలకు రూ.750 కోట్లు RILకు చెల్లిస్తాయి. బ్రాండ్ బ్యాండ్ వినియోగదారులు 2022 నాటికి 12 మిలియన్లకు చేరుకుంటారని అంచనా. వారిలో 60 శాతం మంది సరాసరిన నెలకు రూ.840 కోట్లు చెల్లిస్తారని అంచనా. SMEలు నెలకు రూ.2,000 చెల్లించవచ్చు. వీటిని పరిగణలోకి తీసుకుంటే వచ్చే 24 నెలల్లో RIL 200 బిలియన్ డాలర్ల కంపెనీకా అవతరించనుందని మెరిల్ లించ్ అభిప్రాయపడింది. అలాగే, వచ్చే రెండేళ్ల వరకు జియోపై పెట్టుబడులు అవసరం లేదు. టెలికం టారిఫ్స్ పెరగనున్నాయి. వీటి ద్వారా ఆదాయం రానుంది.