ముంబైకి చెందినవారు ఇక నుంచి తమ అమెజాన్ డెలివరీలను రైల్వే స్టేషన్ల నుంచి పొందవచ్చు. ఈ మేరకు రైల్వే శాఖతో అమెజాన్ అవగాహన కుదుర్చుకోనున్నట్లు ప్రకటించింది. ఇందులో భాగంగా నాలుగు సబర్బన్ రైళ్ల నుంచి ప్రయాణీకులు డెలివరీలు అందుకోవచ్చు. ఛత్రపతి శివాజీ టెర్మినస్, థానే, దాదర్, కళ్యాణ్ స్టేషన్లలో పూర్తిస్థాయి డెలివరీ కియోస్క్‌లను ఏర్పాటు చేసేందుకు ప్రయత్నాలు చేస్తోంది.

కస్టమర్లు ఆర్డర్స్ పొందడానికి ఈ నాలుగు స్టేషన్లలో దేనినైనా ఎంపిక చేసుకునే వెసులుబాటు ఉంది. మెట్రోపాలిటన్ పట్టణాలు, రాజధానుల్లో ఈ సేవలు ప్రయోజనం కానున్నాయి. ఇక్కడి ప్రజలు ఎక్కువ సమయంలో ప్రయాణాలు, కార్యాలయాల్లో గడుపుతుంటారు. దీంతో వారికి అనుగుణంగా ఈ విధానాన్ని ప్రతిపాదించారు. దీనిని ప్రయోగాత్మకంగా పరిశీలిస్తున్నారు.

ఈ ప్రయోగం విజయవంతమైతే మరిన్ని ప్రాంతాలకు విస్తరించనున్నారు. దేశంలో ముంబై నగరం అతిపెద్ద సబర్బన్ రైల్వే నెట్ వర్క్ కలిగిన స్టేషన్. రోజుకు లక్షలాది మంది ఇక్కడి నుంచి ప్రయాణిస్తుంటారు.