గుడ్ న్యూస్: మ్యూచువల్ ఫండ్స్ లో జోరుగా ఉద్యోగాలు !

చిన్న పట్టణాలవైపు

* చిన్న పట్టణాలకు విస్తరించడంవల్ల వ్యాపారం పెరుగుతున్నట్టు పరిశ్రమవర్గాలు చెబుతున్నాయి. దీని మూలంగానే సిబ్బంది అవసరం పెరిగింది.

* అయితే ప్రస్తుత ఆర్థిక సంవత్సరంలో నియామకాలు గత ఆర్ధిక సంవత్సరంతో పీల్చితే తక్కువగా ఉండవచ్చని భావిస్తున్నారు.

* గత ఆర్ధిక సంవత్సరంలో ఐ సి ఐ సి ఐ ప్రుడెన్షియల్ మ్యూచువల్ ఫండ్ సిబ్బంది సంఖ్యను 62 శాతం పెంచుకుంది. దీంతో సిబ్బంది సంఖ్య 2,100కు పెరిగింది.

* హెచ్ డీ ఎఫ్ సి ఏ ఎం సి ఉద్యోగుల సంఖ్య 25 శాతం పెరిగి 1,600కు చేరింది.

రిలయన్స్ నిప్పాన్ లైఫ్ మ్యూచువల్ ఫండ్

* రిలయన్స్ నిప్పాన్ లైఫ్ మ్యూచువల్ ఫండ్ ఉద్యోగుల సంఖ్య 26 శాతం పెరిగి 1,700కు, యూఎస్ బీ ఐ మ్యూచువల్ ఫండ్ సిబ్బంది సంఖ్య 31 శాతం పెరిగి 1700కు చేరుకుంది.

* ఈ కంపెనీలు ఉద్యోగులకు ఆకర్షణీయమైన వేతనాలను కూడా ఇస్తున్నాయి.

* గత ఆర్ధిక సంవత్సరంలో పరిశ్రమ వేతనాల పెంపుదల 8 శాతం నుంచి 12 శాతం వరకు ఉంది. బోనస్ తో పాటు మార్కెట్ తో అనుసంధానమైన ఇంక్రిమెంట్ 20-30 శాతంగా ఉంది.

ఇన్వెస్టర్లు ఇంకా తక్కువే...

* దేశవ్యాప్తంగా ఇన్వెస్టర్ల సంఖ్య పెరుగుతున్నప్పటికీ ఈ సంఖ్య ఇంకా చాలా తక్కువ స్థాయిలోనే ఉంది.

* మన దేశ జనాభా 130 కోట్లకు పైగా ఉన్నప్పటికీ మ్యూచువల్ ఫండ్స్ లో పెట్టుబడులు పెడుతున్న ఇన్వెస్టర్ల సంఖ్య రెండు కోట్ల స్థాయిలోనే ఉంది.

* ప్రస్తుతం ఈ పరిశ్రమ నిర్వహణలో ఆస్తులు (ఏ యు ఎం) రూ. 25 లక్షల కోట్ల స్థాయిలో ఉన్నాయి. వచ్చే దశాబ్ద కాలంలో ఏ యూ ఎం ను రూ. 100 లక్షల కోట్లకు పెంచుకోవాలన్న లక్ష్యంతో పరిశ్రమ ఉంది.

* అంతే కాకుండా ఇన్వెస్టర్ల సంఖ్యను 2 కోట్లనుంచి 10 కోట్లకు పెంచుకోవాలనుకుంటున్నారు.

* 2016-17 ఆర్ధిక సంవత్సరంలో క్రమానుగత పెట్టుబడి ప్లాన్ (సిప్) ద్వారా వ్యక్తిగత ఇన్వెస్టర్ల పెట్టుబడులు రూ.44,000 కోట్లు ఉండగా 2018-19 సంవత్సరంలో రూ. 93,000 కోట్లకు పెరిగాయి.