ఎయిర్‌టెల్ విదేశఈ కంపెనీ

రుణాల నుంచి విముక్తి పొందడం కోసం ప్రస్తుత ప్రమోటర్ గ్రూప్ (విదేశీ కంపెనీతో పాటు), సింగ్‌టెల్ ఈక్విటీలు పెంచుకోవచ్చునని భారతీ టెలికం లిమిటెడ్ (భారతీ ఎయిర్‌టెల్ లిమిటెడ్ ప్రమోటర్) పేర్కొంది. భారతీ టెలికంలో విదేశీ పెట్టుబడులు యాభై శాతానికి మించి పెరుగుతాయని, దీంతో ఇది విదేశీ కంపెనీ అవుతుందని, ఓసారి అది జరిగితే భారతీ ఎయిర్‌టెల్‌లో భారతీ టెలికంకు ఉన్న మొత్తం వాటా కూడా విదేశీ వాటా కింద పరిగణించాల్సి ఉంటుందని తెలిపింది.

85 శాతానికి పెట్టుబడులు

ప్రస్తుతం భారతీ ఎయిర్‌టెల్‌లో ఫారన్ షేర్ హోల్డింగ్స్ 43 శాతం ఉన్నాయి. సింగ్‌టెల్ ఇన్వెస్ట్‌మెంట్ తర్వాత విదేశీ పెట్టుబడులు దాదాపు 85% వరకు పెరుగుతాయి. సమాచారం మేరకు 100% ఫారన్ డైరెక్ట్ పెట్టుబడుల కోసం (FDI) భారతీ ఎయిర్‌టెల్ రెండోసారి దరఖాస్తు చేసుకుంది. డిపార్టుమెంట్ ఆఫ్ టెలికం ఈ ఏడాది ప్రారంభంలో భారతీ ఎయిర్‌టెల్ FDI దరఖాస్తును తిరస్కరించింది. ఫారన్ ఇన్వెస్టర్ విషయంలో క్లారిటీ లేదంటూ దీనిని తిరస్కరించింది.

సింగ్ టెల్ వాటా 52 శాతం

విదేశీ పెట్టుబడుల విషయంలో భారతీ ఎయిర్‌టెల్ రెగ్యులేటరీ పాలనకు కట్టుబడి ఉందని, తదనుగుణంగా 100 శాతం విదేశీ పెట్టుబడుల కోసం దరఖాస్తు చేసుకున్నట్లు ఎయిర్‌టెల్ తెలిపింది. ప్రతిపాదిత పెట్టుబడుల ప్రకారం భారతీ ఎయిర్ టెల్ లో సింగ్‌టెల్ వాటా 52 శాతం ఉంటుంది. దీని వల్ల ఎయిర్ టెల్ లో విదేశీ పెట్టుబడుల శాతం 85 శాతం వరకు చేరుకుంటుంది. సింగ్ టెల్ ప్రస్తుతం 35 శాతం వాటాను కలిగి ఉంది.

52 శాతానికి సింగ్ టెల్ వాటా

సింగ్ టెల్ పెట్టుబడిని రుణ భారం తగ్గించుకునేందుకు భారతీ ఎయిర్ టెల్ వినియోగించనుంది. 30 జూన్ 2019 నాటికి ఎయిర్ టెల్ కన్సాలిడేటెడ్ నెట్ డెబిట్ రూ.1,16,645.8 కోట్లు. ఏదైనా కంపెనీలో యాభై శాతానికి మించి విదేశీ పెట్టుబడులు ఉండాలంటే FDI అప్రూవల్ అవసరం.