వేతనాలకు కష్ఠాలు

* ప్రభుత్వ రంగంలోని మహానగర్ టెలిఫోన్ నిగమ్ లిమిటెడ్ (ఎంటీఎన్ఎల్ ), బీఎస్ఎన్ఎల్ లు నష్ఠాలతో సావాసం చేస్తున్నాయి.

* ఈ రెండు కంపెనీలు కూడా ఫిబ్రవరి కి సంబంధించిన వేతనాలను మార్చి మధ్య కాలంలో చెల్లించాయి. తగినంతగా నిధులు లేక పోవడమే ఇందుకు కారణం.

* అంతర్గతంగా నిధులు సమకూర్చుకొని చివరకు వేతనాలు చెల్లించాయి.

పునరుజ్జివానికి ప్రయత్నాలు

* పునరుజ్జివన ప్యాకేజీ ద్వారా ఈ రెండు కంపెనీలను కష్టాల నుంచి బయట పడేయాలని టెలికం విభాగం ప్రయత్నాలు చేస్తోంది.

* ఇందులో భాగంగా స్వచ్చంద పదవీ విరమణ పథకం, ఆస్తుల విక్రయం, 4జీ స్పెక్ట్రమ్ కేటాయింపు వంటివి చేయాలనుకుంటున్నారు.

* ఏంటీఎన్ఎల్ ను బీఎస్ఎన్ఎల్ లో విలీనం చేయాలన్న ప్రతిపాదన ఉన్నట్టుగా వార్తలు వస్తున్నాయి.

* బీఎస్ఎన్ఎల్ సరికొత్త పథకాలు తెస్తూ కొత్త కస్టమర్లను బాగా ఆకట్టుకుంటోంది. నెట్ వర్క్ ను విస్తరించుకుంటూ పోతున్న కారణంగా ఇతర కంపెనీల కస్టమర్లు కూడా బీఎస్ఎన్ఎల్ కు మారుతున్నారు.

నష్టాలు

* బీఎస్ఎన్ఎల్, ఏంటీఎన్ఎల్ నష్టాలతో నడుస్తున్నాయి. 2018-19 సంవత్సరంలో బీఎస్ఎన్ఎల్ నష్టం రూ. 14,000 కోట్లు, రాబడి రూ. 19,308 కోట్లకు తగ్గినట్టు అంచనా.

* 2015-16లో నష్టం రూ. 4,859 కోట్లు, 2016-17లో రూ. 4,793 కోట్లు, 2017-18లో రూ. 7,993 కోట్లు గా నమోదైనట్టు ప్రభుత్వం వెల్లడించింది.

* బీఎస్ఎన్ఎల్ లో 1,65,179 మంది ఉద్యోగులు ఉన్నారు. కంపెనీ మొత్తం ఆదాయంలో ఉద్యోగుల వేతన వ్యయాల కోసం 75 శాతం ఖర్చు చేయాల్సి వస్తోందట.

* బీఎస్ఎన్ఎల్ తో పోల్చితే ప్రయివేట్ రంగంలోని కంపెనీల్లో ఉద్యోగుల సంఖ్య వారికి చెల్లించే వేతనాలు చాలా తక్కువ స్థాయిలో ఉంటున్నాయి. దీనివివల్లనే ఆయా కంపెనీలు మనగలుగుతున్నాయి.