రూ.3,758 కోట్లను వెనక్కి తీసుకున్నారు

విదేశీ ఇన్వెస్టర్లు జూలై నెలలో రూ.3,758 కోట్లను వెనక్కి తీసుకున్నారు. జూలై 5వ తేదీన బడ్జెట్‌ను ప్రవేశపెట్టిన అనంతరం స్టాక్ మార్కెట్లు ఎక్కువ రోజులు నష్టాల్లో కొనసాగాయి. అదే సమయంలో సూపర్ రిచ్ (అధిక సంపన్నులు) పైన సర్ ఛార్జీ పెంపు ప్రతిపాదనను వెనక్కి తీసుకోమని కేంద్ర ఆర్థికమంత్రి నిర్మలా సీతారామన్ చెప్పారు. ఈ ప్రభావం విదేశీ ఇన్వెస్టర్ల కొనుగోళ్ళపై పడ్డాయి.

మొత్తంగా రూ.రూ.14,382 కోట్లు

జులై 1 నుంచి 26వ తేదీ మధ్య FPIలు నికరంగా రూ.14,382.59 కోట్ల విలువైన ఈక్విటీలని వెనక్కి తీసుకున్నారు. ఇందులో రూ.10,624.15 కోట్లు డెట్ సెగ్మెంట్లో పెట్టుబడి కాగా, నికరంగా రూ.3,758.44 కోట్లను మార్కెట్ నుంచి వెనక్కి తీసుకున్నారు. కేంద్ర బడ్జెట్‌లో సూపర్ రిచ్ పైన సర్‌ఛార్జీ వసూలు చేస్తామన్న ప్రకటన వచ్చిన నాటి నుంచి FPIల అమ్మకాలు ఎక్కువయ్యాయని చెబుతున్నారు.

అంతకుముందు ఇలా ఇన్వెస్ట్‌మెంట్

అంతకుముందు, జూన్ నెలలో రూ.10,384.54 కోట్లు, మే నెలలో రూ.9,031.15 కోట్లు, ఏప్రిల్‌లో రూ.16,093 కోట్లు, మార్చిలో రూ.45,981 కోట్లు, ఫిబ్రవరిలో రూ.11,182 కోట్లను ఇండియన్ మార్కెట్లలోని ఈక్విటీ, డెట్‌లలో ఇన్వెస్ట్ చేశారు. సూపర్ రిచ్ ట్యాక్స్ ప్రకటన వచ్చినప్పటి నుంచి FPI అమ్మకాలు పెరిగాయని మార్నింగ్‌స్టార్ రీసెర్చ్ సీనియర్ మేనేజర్ హిమాంశు శ్రీవాత్సవ చెప్పారు. జియోజిత్ ఫైనాన్షియల్ సర్వీసెస్ చీఫ్ ఇన్వెస్ట్‌మెంట్ స్ట్రాటెజిస్ట్ వికే విజయ్ కుమార్ కూడా ఇదే అభిప్రాయం వ్యక్తం చేశారు.