అన్ని దేశాల ఎగుమతులదీ అదే బాట....

ఎగుమతుల విషయంలో దాదాపు అన్ని దేశాలది ఒకే దారిలా కనిపిస్తోంది. జూన్ మాసంలో అతి పెద్ద వాణిజ్య భాగస్వామి చైనాకు చేసే ఎగుమూతులు 14.1% పడిపోయాయి. అమెరికా తో నెలకొన్న వాణిజ్య యుద్ధ ప్రభావం మన దేశం నుంచి జరిగే ఎగుమతులపై కూడా పడటం ఇక్కడ గమనార్హం. యునైటెడ్ అరబ్ ఎమిరేట్స్ కు చేసే ఎగుమతులు 15.31% తగ్గిపొగా .. హొంగ్కాంగ్ ఎగుమతులు 9.68% డౌన్ అయ్యాయి. అయితే గతేడాది జూన్ నెలలో మన దేశ ఎగుమతులు అత్యంత మెరుగ్గా ఉండటం వల్ల... ప్రస్తుతం మన ఎగుమతులు తగ్గినట్లు కనిపిస్తోందని... ఇది కేవలం బేస్ ఎఫెక్ట్ మాత్రమేనని కామర్స్ సెక్రటరీ అనూప్ వాధవాన్ వెల్లడించాలంటూ ది ఎకనామిక్ టైమ్స్ ఒక కథనంలో పేర్కొంది.

ప్రపంచ మందగమన ప్రభావం...

మన ఎగుమతులు తగ్గడానికి కారణం కేవలం భారత్ దేశంలో నెలకొన్న పరిస్థితుల వాళ్ళ కాదని... ప్రపంచవ్యాప్త మందగమనం మన పై కూడా పడుతోందని నిపుణులు పేర్కొంటున్నారు. ప్రపంచ వాణిజ్య వృద్ధి రేటు ముందుగా అంచనా వేసిన కంటే ఒక శతం తక్కువగా కేవలం 2.6% మాత్రమే పెరగటం దీనినే సూచిస్తోందని వారు వాదిస్తున్నారు. ప్రపంచాన్ని మొత్తం తన ఎగుమతులతో ముంచెత్తే చైనా దేశ ఎగుమతులు సైతం జూన్ లో 1. 3% తగ్గగా.. ఆ దేశం చేసుకొనే దిగుమతులు 7. 3% తగ్గిపోయాయని వెల్లడిస్తున్నాయి. ప్రపంచవ్యాప్తంగా మందగమనం అలుముకొందని, పెరుగుతున్న టారిఫ్ యుద్ధానికి ఇదే సంకేతమని ఫెడరేషన్ అఫ్ ఇండియన్ ఎక్స్పోర్ట్ ఆర్గనైజషన్స్ ప్రెసిడెంట్ శరద్ కుమార్ సరాఫ్ పేర్కొన్నట్లు ది ఎకనామిక్ టైమ్స్ వెల్లడించింది.

తగ్గినా వాణిజ్య లోటు...

భారత దేశ ఎగుమతులు తగ్గినప్పటికీ... మన దేశ వాణిజ్య లోటు కూడా తగ్గడం ఒకింత ఊరటగా కనిపిస్తోంది. జూన్ నెలలో వినిజ్య లోటు 7.8% తగ్గి 15.28 డాలర్లకు పరిమితమైంది. అంతకు మూడు ఏడాది ఇదే నెలలో మన వాణిజ్య లోటు 16.6 బిలియన్ డాలర్లు గా ఉంది. మన దిగుమతులు సైతం జూన్ నెలలో 9.1% తగ్గి 40.29 బిలియన్ డాలర్ల కు పరిమితం అవడంతో వాణిజ్య లోటు కూడా తగ్గింది. మన దేశం నుంచి జరిగే ప్రధాన ఎగుమతులు ఐన పెట్రోలియం ఉత్పత్తులు, ధాన్యం, కాటన్, జేమ్స్ అండ్ జ్యువలరీ, రెడీమేడ్ గార్మెంట్స్, ఆర్గానిక్ & ఇనార్గానిక్ కెమికల్స్, ఇంజనీరింగ్ గూడ్స్ ఆశించిన స్థాయిలో రాణించలేదు.