కేవలం 183 డీల్స్ మాత్రమే...

ప్రస్తుత సంవత్సరం లోని తోలి ఆరు నెలల కాలంలో దేశంలో కేవలం 183 కొనుగోళ్లు, విలీనాలు జరిగినట్లు మెర్జర్ మార్కెట్ అనే సంస్థ వెల్లడించింది. ఈ రిపోర్టును ఉటంకిస్తూ ది ఎకనామిక్ టైమ్స్ ఒక కథనాన్ని ప్రచురించింది. గతేడాది ఇదే ఆరు నెలల కాలంలో మన దేశంలో 234 డీల్స్ జరిగాయట. విలువ పరంగా చూసిన ఈ డీల్స్ విలుల 2019 లో కేవలం $34 బిలియన్ డొల్లర్లుగా నమోదు అయినట్లు సమాచారం. ఆసియ పసిఫిక్ రీజియన్ కొనుగోళ్లు, విలీనాలు విషయంలో భారత్ మూడో స్థానంలో నిలుస్తోంది. కానీ ఇప్పుడు డీల్స్ విషయంలో మన దేశం వెనక పడేట్లు కనిపిస్తోంది. ప్రైవేట్ ఈక్విటీ డీల్స్ కూడా 42కు పడిపోయి కేవలం $4 బిలియన్ డొల్లర్లుగా నమోదు అయ్యాయి. ప్రైవేట్ ఈక్విటీ సంస్థలు ఎగ్జిట్ అవ్వటం కూడా 93% తగ్గి కేవలం 23 డీల్స్ తో $2 బిలియన్ డాలర్ల స్థాయిలోనే నిలిచిపోయ్యాయి. 2018 తోలి ఆరు నెలల కాలంలో ఇవి ఏకంగా 36 డీల్స్, $32 బిలియన్ డాలర్ల మొత్తం కావడం గమర్హం.

ఐదేళ్ళలో అత్యల్పం ....

గత ఐదేళ్ల కాలంలో భారత్ ఆర్ధిక వ్యవస్థ తోలి సరి అతి తక్కువ వృద్ధి రేటును నమోదు చేసింది. ఇది కేవలం 6.8% నికి పరిమితమైంది. అయితే ప్రభుత్వం మాత్రం ఆర్ధిక వృద్ధి రేటు జోరు అందుకుంటుందని పేర్కొంటోంది. ప్రభుత్వ పెట్టుబడులు, విదేశీ పెట్టుబడుల రాక, విధానాల సరళీకరణ వల్ల వృద్ధి వేగం పుంజు కొంటుందని అభిప్రాయపడుతోంది. తద్వారా భారత జీడీపీ 7% చొప్పున వృద్ధి చెందుతుందని, అది కూడా 2019-20 ఆర్ధిక సంవత్సరంలోనే జరుగుతుందని పేర్కొంటోంది. అయితే, మౌలిక సదుపాయాలపై భారీగా పెట్టుబడులు, తయారీ రంగానికి ప్రాధాన్యం ఇవ్వటం వల్ల మందగమనానికి చెక్ పెట్టడంతో పాటు, ఉపాధి కల్పనా మెరుగు పరచవచ్చని ప్రభుత్వం భావిస్తోంది.

ఆలస్యమవుతున్న డీల్స్...

భారత్ లో నెలకొన్న లీగల్ వివాదాలు, పన్ను చెల్లింపుల వివాదాల పరిష్కారం నత్త నడకన సాగుతుండటం తో ఇప్పటికే ప్రకటించిన కొనుగోలు, విలీనాలు సైతం ముందుకు సాగటం లేదని నిపుణులు పేర్కొంటున్నారు. ఇందుకు ఆర్సెలర్ మిట్టల్ - నిప్పాన్ స్టీల్ కు చెందిన $6 బిలియన్ డాలర్ల డీల్ కూడా ఒక నిదర్శనమని వెల్లడిస్తున్నారు. మరిన్ని డీల్స్ కూడా ఇదే విధంగా ముందుకు సాగటం లేదని వారు పెదవి విరుస్తున్నారు.

చైనా వెనుక పడినా..

ఈ మధ్య కాలంలో చైనా రెండు రకాలుగా ఇబ్బంది పడుతోంది. అటు దేశంలో మందగమనం కొనసాగుతుండగా... ఇటు అమెరికా తో నెలకొన్న ట్రేడ్ వార్ తో దెబ్బతింటోంది. ఒక రకంగా భారత్ కు వరమని చెప్పాలి. కానీ దాన్ని మన దేశం సద్వినియోగం చేసుకోలేక పోతోంది. అమెరికా కంపెనీల డీల్స్ కూడా 91% తగ్గి కేవలం $2 బిలియన్ స్థాయిలోనే ఉండటం ఇందుకు నిదర్శనం అని విశ్లేషకులు చెబుతున్నారు. ఇప్పటి మాట ఎలా ఉన్న... వచ్చే ఆరు నెలల్లో నైనా భారత్ పుంజుకొంటుందేమో చూడాలి.