హోమ్, వెహికిల్ లోన్ తీసుకునే వారికి తగ్గనున్న భారం

ఈ నేపథ్యంలో ఎస్బీఐ తాజా నిర్ణయం తీసుకుంది. రుణాలపై వడ్డీ రేట్లు తగ్గిస్తూ నిర్ణయం తీసుకుంది. 5 బేసిక్ పాయింట్ల మేర తగ్గిస్తూ, ఈ కొత్త వడ్డీ రేట్లు బుధవారం నుంచే అమలులోకి వస్తాయని స్పష్టం చేసింది. దీంతో హోమ్ లోన్, వెహికిల్ లోన్ తీసుకునే వారికి కాస్త భారం తగ్గనుంది.

అన్ని కాలపరిమితుల రుణాలకు MCLR అనుసంధానం

ఏడాది మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేటు (MCLR) లేదా కనీస రుణ రేటును 8.45 శాతం నుంచి 8.40 శాతానికి తగ్గిస్తున్నట్లు ఎస్బీఐ తెలిపింది. అన్ని కాలపరిమితులతో కూడిన రుణాలకు ఈ MCLR అనుసంధానం అవుతుందని పేర్కొంది. ఈ తగ్గింపు వర్తిస్తుందని చెప్పింది.

ఎస్బీఐ తగ్గింపు మూడోసారి

ఈ నెల 1వ తేదీ నుంచి రెపో ఆధారిత హోమ్ లోన్స్‌ను ఎస్బీఐ అందుబాటులోకి తీసుకు వచ్చింది. ఆర్బీఐ వరుస కోతల నడుమ 20 బేసిస్ పాయింట్ల మేర హోమ్ లోన్స్ వడ్డీరేట్లను తగ్గించింది. 2019-20 ఆర్థిక సంవత్సరంలో ఎస్బీఐ వడ్డీ రేట్లు తగ్గించడం ఇది మూడోసారి. ఏప్రిల్, మే నెలల్లోను వడ్డీ రేట్లను 0.05 శాతం చొప్పున తగ్గించింది. ఈ కాలంలో హోమ్ లోన్స్ వడ్డీ రేట్లు 0.20 శాతం (20 బేసిక్ పాయింట్స్) తగ్గాయి.