నష్టాల్లో HPCL, BPCL, IOC షేర్లు

పెట్రోల్, డీజిల్ పైన ఒక్కో రూపాయి చొప్పున సెస్ విధింపు నేపథ్యంలో హిందుస్థాన్ పెట్రోలియం కార్పోరేషన్ (HPCL), భారత్ పెట్రోలియం కార్పోరేషన్ (BPCL), ఇండియన్ ఆయిల్ కార్పోరేషన్ (IOC) షేర్లు పడిపోయాయి. ఈ సంస్థల షేర్లు 5-6 శాతం నష్టపోయాయి. ఇంధనపై సెస్ అనేది ఆయిల్ మార్కెటింగ్ కంపెనీలకు నెగిటివ్ వార్త అని, అందుకే షేర్లు నష్టాల్లో కొనసాగుతున్నాయని చెబుతున్నారు.

కేంద్రానికి ఇలా ప్రయోజనం

పెట్రోల్, డీజిల్ ఉత్పత్తులపై ఒక్కో రూపాయి చొప్పున సెస్ పెంచడం ద్వారా కేంద్ర ప్రభుత్వానికి స్థూల ఆదాయం పెరగడానికి దోహదపడుతుంది. దేశంలో పెద్ద ఎత్తున పెట్రోల్, డీజిల్ ఉపయోగం ఉంది. దీంతో రెవెన్యూ పెరగనుంది. అంతిమంగా ద్రవ్యలోటును అదుపులో ఉంచేందుకు ఉపయోగపడుతుంది. అలాగే, నిధుల వ్యయానికి కూడా ఉపయోగపడుతుంది.

వివిధ కంపెనీల షేర్లు ఇలా...

మధ్యాహ్నం బీఎస్ఈలో దేశీయ మార్కెట్లో ఇండియన్ ఆయిల్ కార్పోరేషన్ (IOC) షేర్లు 2.87 నష్టపోయి రూ.152.10 వద్ద ట్రేడ్ అయింది. హిందుస్థాన్ పెట్రోలియం కార్పోరేషన్ (HPCL) షేర్లు 1.14 శాతం తగ్గి, రూ.285.30 వద్ద ట్రేడ్ అయింది. BPCL షేర్ 2.47 శాతం నష్టపోయి రూ.370.45 వద్ద ట్రేడ్ అయింది.