For Quick Alerts
ALLOW NOTIFICATIONS  
For Daily Alerts

ఐటీ రీఫండ్ తీసుకునే ప్రతీ ఒక్కరూ ఇది చదవాల్సిందే!

By Chanakya
|

''మీకు ఐటి శాఖ నుంచి రీఫండ్ వచ్చింది ! ఇంకొన్ని బ్యాంక్ డీటైల్స్ చాలు సదరు మొత్తం మీ బ్యాంక్ ఖాతాలో వచ్చిపడిపోతుంది. వెంటనే ఆలస్యం చేయకుండా కావాల్సిన వివరాలను అందజేయండి'' - ఇదీ ఓ ట్యాక్స్ పేయర్‌కు వచ్చిన ఈమెయిల్ సందేశం. సాధారణంగా ఎవరైనా దీన్ని నిజమే కాబోలు అనుకుంటారు. వాళ్ల దగ్గర డీటైల్స్ లేవేమో అనే ఉద్దేశంతో వివరాలు ఇవ్వొచ్చు. కానీ.. దీని వల్ల ఏం జరుగుతుందో తెలిస్తే ఆశ్చర్యపోతారు.

2019లో 1.61 లక్షల కోట్ల ఐటీ రీఫండ్స్ విడుదల, ఉద్దేశ్యపూర్వ ఎగవేతదారులు 8,582

రీఫండ్స్‌లో ఆలస్యమే లేదు

రీఫండ్స్‌లో ఆలస్యమే లేదు

ఈ మధ్య ఆర్థిక మంత్రి నిర్మలా సీతారామన్ ఇచ్చిన వివరాల ప్రకారం గతేడాదికి సంబంధించిన రీఫండ్స్‌లో మొత్తం రూ.64700 కోట్లను తిరిగి ఇచ్చేశారు. వాస్తవానికి 2018-19కి సంబంధించి రూ.1,61,457 కోట్లను రీఫండ్ చేయాల్సి ఉంది. మొత్తంగా 7.19 కోట్ల ఆదాయపు పన్ను శాఖ రిటర్న్స్‌ను ఇప్పటికే ప్రాసెస్ చేశారు కూడా.

ఇంత పెద్ద మొత్తంలో వేలాది మందికి రీఫండ్ ఉండడం వల్లే స్కామ్‌స్టర్స్ రంగంలోకి దిగారు. దీన్ని అదనుగా చూసుకుని మిమ్మల్ని టార్గెట్ చేసుకుని బుట్టలో పడేసి వేలాది రూపాయలను తస్కరించాలని చూస్తున్నారు.

ఎలా జాగ్రత్త పడాలి

ఎలా జాగ్రత్త పడాలి

సాధారణంగా మీరు రిటర్న్స్ ఫైల్ చేసినప్పుడు ఈ రెండు సైట్లలోనే చేయాల్సి ఉంటుంది. www.incometaxindia.gov.in or www.incometaxindiaefiling.gov.in. ఇవి కాకుండా మీరు ఎక్కడ చేసినా మీ సమాచారం చోరీ అయ్యే అవకాశాలున్నాయి. మీకు ఒక వేళ రీఫండ్‌కు సంబంధించి ఏదైనా మెయిల్ వచ్చిందంటే.. ఒకటికి పదిసార్లు దాన్ని జాగ్రత్తగా చూడండి. ఎందుకంటే వాటిల్లో ఏది కరెక్టో చెప్పడం అంత ఈజీ కాదు. పేర్లు అలానే ఉండే విధంగా స్కామ్‌స్టర్స్ తెలివితేటలను ప్రదర్శిస్తారు. సాధారణంగా అధికారికంగా వచ్చే మెయిల్స్‌కు రిప్లై ఆప్షన్ ఉండదు. మీరు ఎలాంటి రిప్లై పంపాల్సిన అవసరం ఉండదు. కానీ అదనపు సమాచారంతో దీనికి రిప్లై ఇవ్వండి అని ఉంటే మాత్రం జాగ్రత్తపడండి.

కొన్నిసార్లు మీ మొబైల్స్‌కు లింక్స్ పంపిస్తూ ఉంటారు. రీఫండ్ త్వరగా కావాలంటే ఇక్కడ లింక్ క్లిక్ చేసి మీ వివరాలను నమోదు చేయండి... వంటివి వస్తూ ఉంటాయి. అలాంటి వాటి జోలికి కూడా వెళ్లొద్దు.

అంతేకాదు ఐటీ శాఖ ఎప్పుడూ మీ బ్యాంక్ యూజర్ నేమ్, పాస్‌వర్డ్, డెబిట్ కార్డ్ వివరాలు, క్రెడిట్ కార్డ్ సమాచారం వంటివి ఎప్పుడూ అడగనే అడగదు. మీరు ఏం చేసినా ఇన్కం ట్యాక్స్ ఈ ఫైలింగ్ సైట్‌లోనే చేయాల్సి ఉంటుంది.

ఎలా కంప్లైంట్ చేయాలి

ఎలా కంప్లైంట్ చేయాలి

ఒక వేళ మీరు మోసపోయినా.. లేదా మీకు ఇలాంటి మెయిల్స్ వచ్చినా ఐటీ శాఖకు సమాచారం అందించండి. దానివల్ల ఇతరులు కూడా వాళ్ల బారినపడకుండా సహాయం చేసినవారవుతారు. ఒక వేళ మీకు వచ్చిన మెయిల్ సందేహాస్పదంగా అనిపించినా, లేకపోతే అనుమానంగా ఉన్నా.. ఈ కింద చెప్పిన మెయిల్స్‌కు సమాచారం అందించండి. ఒక వేళ మీరు మోసపోయినా సరే వీళ్లను సంప్రదిస్తే కొద్దిగా ఊరట లభించవచ్చు.

phishing@incometax.gov.in.

incident@cert-in.org.in.

English summary

Don't fall for fraudulent messages supposedly issued by IT department

Don’t fall for fraudulent messages supposedly issued by IT department. If you receive, identify a fraudulent email claiming to be from the IT department, don’t click on any link included in it or download any attachments from it.
Story first published: Thursday, June 27, 2019, 13:36 [IST]
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more