అమెరికన్లకు ఉద్యోగాలు

2017 ఏప్రిల్ నుంచి 2019 మార్చి వరకు తాము 9,100 మందికి ఉద్యోగాలు కల్పించామని, ఇది తమ బిజినెస్ మోడల్‌ను మరింత బలోపేతం చేస్తుందని, ప్రతిభ ఉన్నవారిని నియమించుకునేందుకు వీసాలపై ఆధారపడాల్సిన అవసరం లేదని కంపెనీ సీవోవో యూపీ ప్రవీణ్ రావు వెల్లడించారు. రానున్న రెండేళ్లలో తాము 10,000 మంది అమెరికన్ వర్కర్లకు ఉద్యోగాలు ఇస్తామని, నాలుగు టెక్నాలజీ అండ్ ఇన్నోవేషన్ హబ్స్ ఏర్పాటు చేస్తున్నామని 2017 మేలో ఈ కంపెనీ ప్రకటించింది. ఈ రెండేళ్లలో 9,100 మందికి కొలువులు ఇచ్చిన ఇన్ఫోసిస్... త్వరలో ఈ లక్ష్యానికి (పదివేలు) చేరుకోనుంది.

ఉత్తర అమెరికా అతిపెద్ద మార్కెట్

ఇన్ఫోసిస్‌కు నార్త్ అమెరికా అతి పెద్ద మార్కెట్. మార్చి 31, 2019 రికార్డ్స్ ప్రకారం... ఇక్కడి నుంచి 61.2 శాతం రెవెన్యూ వస్తుంది. ఆ తర్వాత యూరోప్ నుంచి 24 శాతం, మిగతా దేశాల నుంచి 12.5 శాతం ఉంది. ఇందులో భారత్ నుంచి వచ్చే రవెన్యూ 2.3 శాతం.

భారీ వృద్ధి నమోదు

కాగా, ఇన్ఫోసిస్ 2018-19 ఆర్థిక సంవత్సరంలో 24,016 మందికి ఉద్యోగ అవకాశాలు కల్పించింది. దీంతో గత ఆర్థిక సంవత్సరం ముగింపు నాటికి ఈ టెక్ దిగ్గజం ఉద్యోగుల సంఖ్య 2,28,123కు చేరుకుంది. మార్చి క్వార్టర్ ముగింపు నాటికి ఇన్ఫోసిస్ 10.51 శాతం వృద్ధిని నమోదు చేసింది. ఏకీకృత నెట్ ప్రాఫిట్ రూ.4,078గా ఉంది. అంతకుముందు ఏడాది రూ.3,690గా ఉంది. 2019 మార్చి క్వార్టర్‌లో నెట్ సేల్ 19.1 శాతం పెరుగుదలతో రూ.21,539 కోట్లుగా ఉంది. అంతకుముందు ఏడాది ఇదే క్వార్టర్‌లో రూ.18,083 కోట్లుగా ఉంది.