2030 నాటికి అత్యధిక వాహనాలు EVలు ఉండే లక్ష్యంతో...

2030నాటికి దేశీయంగా అత్యధిక వాహనాలు విద్యుత్‌తో నడిచేవి ఉండాలనే లక్ష్యంతో ముందుకు సాగుతున్నారు. బ్యాటరీతో నడిచే కొత్త వాహనాల రిజిస్ట్రేషన్, పునరుద్ధరణ సమయంలోనూ ఛార్జీల నుంచి మినహాయింపు ఇవ్వాలని డ్రాఫ్ట్ ప్రతిపాదించారు. ఈ అంశంపై ముప్పై రోజుల్లో అభిప్రాయాలు తెలపాలి. అభిప్రాయాలను పరిగణలోకి తీసుకున్న అనంతరం నోటిఫికేషన్ జారీ చేస్తారు. విద్యుత్‌తో నడిచే ప్రయివేటు వాహనాలకు ఆకుపచ్చ నెంబరు ప్లేటు పైన తెల్లటి అక్షరాలు, ట్యాక్సీలపై పసుపురంగు అక్షరాలు ముద్రించాలని నిర్ణయించారు.

30 రోజుల్లో అభిప్రాయాలు

ఈ మేరకు నిబంధన 81లో మార్పులు చేస్తున్నట్లు పేర్కొన్నారు. కొత్త వాహనాల రిజిస్ట్రేషన్, పాత వాహనాల రెన్యువల్ కోసం ఎలాంటి చెల్లింపులు చేయనవసరం లేదని పేర్కొంది. ఎలక్ట్రిక్ టూవీలర్లతోపాటు త్రీ-వీలర్, ఫోర్-వీలర్ మిగతా అన్ని విద్యుత్ ఆధారిత వాహనాలకు ఇది వర్తిస్తుందని తెలిపింది. వీటిపై నెల రోజుల్లో అభిప్రాయాలు తెలపాలని రవాణా మంత్రిత్వ శాఖ కోరింది.

కేవలం EV సేల్స్ ఉండేలని సూచనలు

అన్ని రకాల EVలకు రిజిస్ట్రేషన్ రద్దు వర్తిస్తుంది. 2030 వరకు ఎలక్ట్రిక్ వాహనాలను ప్రోత్సహించాలని, అలాగే, పదేళ్ల తర్వాత (2030) కేవలం ఎలక్ట్రిక్ వాహనాల సేల్స్‌కు మాత్రమే అనుమతి ఇవ్వాలని నీతి అయోగ్ కూడా సూచనలు చేసిందని తెలుస్తోంది.