స్మార్ట్ ఫోన్స్ వచ్చాక నోకియా మొబైల్స్ పడిపోయాయి. ఇప్పుడు నోకియా 2.2 బడ్జెట్ స్మార్ట్ ఫోన్‌ను విడుదల చేసింది. దీనిని 6వ తేదీన లాంచ్ చేసింది. దీని టచ్ స్క్రీన్ 5.71 ఇంచుల హెచ్‌డీ డిస్‌ప్లే, 19.9 ఆస్పెక్ట్ రేషియో కలిగి ఉంది. నోకియా 2.2 రెండు వేరియంట్లలో లభ్యం కానుంది. 2GHz క్వాడ్ కోర్ మీడియాటెక్ హీలియో A22 ప్రాసెసర్, 2GB RAM, ఆండ్రాయిడ్ పై, 3,000mAh బ్యాటరీ, 13 మెగాపిక్సల్స్ బ్యాక్ కెమెరా, 5 మెగాపిక్సల్స్ ఫ్రంట్ కెమెరా కలిగి ఉంది.

2GB+16GB, 3GB+32GB వేరియంట్లలో లభిస్తుంది. ఎస్టీ కార్డు సహాయంతో 400GB వరకు మెమోరీని పెంచుకునే వెసులుబాటు ఉంది. ఇది డ్యూయల్ సిమ్ స్మార్ట్ ఫోన్. నానో సిమ్, నానో సిమ్ కార్డ్స్‌ను యాక్సెప్ట్ చేస్తుంది.

2GB Ram, 16GB ఇంటర్నల్ స్టోరేజ్ మొబైల్ ధర రూ.6,999. 3GB Ram, 32GB వేరియంట్ కలిగిన మొబైల్ ధర రూ.7,999. స్టార్టింగ్ ఆఫర్ కింద జూన్ 30 వరకు మాత్రమే ఈ ధరకు లభిస్తుంది. ఆ తర్వాత వీటి ధరలు వరుసగా రూ.7,699, రూ.8,699కు పెరగనుంది. జియో వినియోగదారులకు రూ.2,200 విలువైన క్యాష్ బ్యాక్ ప్రయోజనాలతో 100GB డేటా ఉచితం. రూ.198, రూ.299 రీఛార్జ్ పైన మాత్రమే ఈ క్యాష్ బ్యాక్ ఉంటుంది.