జగన్ ప్రభుత్వంపై మూడింతలు భారం

ఆంధ్రప్రదేశ్ రాష్ట్రవ్యాప్తంగా 42వేలకు పైగా కార్యకర్తలు ఉన్నారు. ఈ పెంపుతో వారు ప్రయోజనం పొందనున్నారు. ఇక నుంచి వారికి ఇచ్చే వేతనాలు మూడు రెట్లకు పైగా పెరగనున్నాయి. ఉదాహరణకు 42 వేల మంది ఆశా వర్కర్లు ఉంటే మూడువేల రూపాయల చొప్పున వారికి దాదాపు 13 కోట్ల నిధులు అవసరమయ్యాయి. ఇక నుంచి ఈ నిధులు మూడింతలు పెరగనున్నాయి. అంటే 40 కోట్లకు పైగా నిధులు అవసరం. తాజా నిర్ణయంతో ప్రభుత్వానికి మూడింతలకు పైగా భారంపడ్డ నిర్ణయం తీసుకున్నారు.

ఒక్కొక్కరికి రూ.7వేలు అదనం

ఏపీ అసెంబ్లీ, సార్వత్రిక ఎన్నికలకు ముందు ఆశా వర్కర్ల వేతనాలపై నాటి ముఖ్యమంత్రి చంద్రబాబు, అప్పుడు ప్రతిపక్ష నేతగా.. ఇప్పుడు సీఎంగా ఉన్న జగన్ పోటాపోటీ హామీలు ఇచ్చారు. రూ.3వేల వేతనాన్ని రూ.8వేలు చేస్తానని చంద్రబాబు చెప్పగా, రూ.10వేలు చేస్తానని జగన్ చెప్పారు. గతంలో రూ.3వేలు ఉండగా ఇప్పుడు పదివేలకు పెంచడం ద్వారా ఒక్కొక్కరికి రూ.7వేలు అదనంగా ఇస్తుంది ఈ ప్రభుత్వం. అంటే 300 శాతానికి పైగా పెంచినట్లు లెక్క.

ఆశా వర్కర్లు ఏం చేస్తారు?

గ్రామాల్లో ఆరోగ్య ఉపకేంద్రాల పరిధిలో ప్రతి వెయ్యి మందికి ఒక ఆశా వర్కర్ ఉంటారు. వైద్య, ఆరోగ్య సేవల్లో సహాయపడినందుకు గాను ఆశా వర్కర్లకు పనిని బట్టి పారితోషికాన్ని ఇస్తున్నారు. ఇప్పటి వరకు వీరికి నెలకు రూ.3వేల గౌరవ వేతనం, వివిధ సేవల్లో సహాయపడినందుకు సుమారు మరో రూ.3వేలు అందాయి. ఇప్పుడు వారి ఫిక్స్‌డ్ వేతనాన్ని మూడు రెట్లకు పైగా పెంచారు. నేషనల్ రూరల్ హెల్త్ మిషన్‌లో ఆశా వర్కర్లు కీలకం. గ్రామస్థాయిలో వెయ్యి మంది జనాభాకు ఒక ఆశా వర్కర్ లెక్కన 2006లో ఆయా గ్రామాల్లో అవుట్ సోర్సింగ్ రూపంలో నియమించారు. వీరు ఆయా గ్రామాల్లో ఆరోగ్యపరంగా ప్రజలకు సూచనలు చేస్తారు.