వాషింగ్టన్: అంతకుముందు ఏడాదితో పోలిస్తే 2018లో H1B వీసాలు 10 శాతం తగ్గాయి. వీసాల జారీ విషయంలో డొనాల్డ్ ట్రంప్ ప్రభుత్వం కఠినంగా ఉంటోందీ. ఈ నేపథ్యంలో 2017తో పోలిస్తే 2018లో ఈ వీసాలు తగ్గాయి. 2018లో రెన్యూవల్స్ సహా అన్ని కలిపి 3,35,000 H1B వీసాలు మంజూరు కాగా, అంతకుముందు ఏడాది అంటే 2017లో వీటి సంఖ్య 3,73,400గా ఉన్నాయి. అమెరికా సిటిజన్ షిప్ అండ్ ఇమ్మిగ్రేషన్ ఈ లెక్కలు వెల్లడిస్తున్నాయి.

2017లో 90 శాతం అప్రూవల్స్ ఉండగా, 2018లో ఇది కేవలం 85 శాతంగా మాత్రమే ఉంది. 2018 తొలి ఆరు నెలలు వీసాల విషయంలో కఠినతంగా ఉండటంతో సరాసరిగా 79 శాతంగా మాత్రమే ఉంది. అయితే మార్చి చివరి నాటికి ఇది 85 శాతానికి చేరుకుంది. 2018లో 8,50,000 నేచురలైజేషన్‌ రిక్వెస్ట్‌లు పరిష్కరించారు. అలాగే 1.1 మిలియన్ గ్రీన్ కార్డ్సు జారీ చేశారు. ఇది అయిదేళ్లలో అత్యధికం.

హెచ్1బీ వీసాల వినియోగాన్ని తగ్గించాలని ప్రభుత్వం నుంచి తీవ్ర ఒత్తిడి ఉండటంతో జారీకి కళ్లెం వేశారని, ఆ చర్యల ఫలితాలు ఇప్పుడు కనిపిస్తున్నాయని చెబుతున్నారు. అమెరికా వెళ్లేందుకు ఐటీ నిపుణులు అత్యధికంగా H1Bను వినియోగిస్తారు.