పంజాబ్ నేషనల్ బ్యాంక్‌కు చెందిన రూ.14వేల కోట్ల స్కాంలో సూత్రధారుల్లో ఒకరైనా నీరవ్ మోడీ శుక్రవారం బెయిల్ కోసం యూకే హైకోర్టును ఆశ్రయించాడు. ఆయన దాఖలు చేసిన బెయిల్ పిటిషన్ పైన న్యాయస్థానం జూన్ 11వ తేదీన విచారణ చేపట్టే అవకాశముంది. నీరవ్ మోడీకి జూన్ 27వ తేదీ వరకు రిమాండ్ విధిస్తూ యూకే కోర్టు గురువారం (మే 30) ఆదేశాలు జారీ చేసింది. అలాగే, ఆయనను ఏ జైళ్లో పెడతారో చెప్పాలని భారత ప్రభుత్వాన్ని అడిగింది.

నీరవ్ మోడీని అప్పగించితే ఏ జైళ్లో పెడుతారో చెప్పాలని భారత్‌ను లండన్ వెస్ట్ మినిస్టర్ మేజిస్ట్రేట్ న్యాయస్థానం నిన్న ప్రశ్నంచింది. పంజాబ్ నేషనల్ బ్యాంకు స్కాం ఆరోపణలు ఎదుర్కొంటున్న నీరవ్ మోడీ లండన్‌లో పట్టుబడ్డాడు. ఈ కేసును వెస్ట్ మినిస్టర్ కోర్టు విచారిస్తోంది.

ఇందులో భాగంగా అతనిని అప్పగిస్తే ఏ జైళ్లో పెడతారో చెప్పాలని అడిగింది. రెండు వారాల్లో తెలిజేయాలని చీఫ్ మేజిస్ట్రేట్... భారత ప్రభుత్వానికి సూచించింది. ఈ క్రమంలోనే వచ్చే నెల 27దాకా ఈ కేసు విచారణను వాయిదా వేసింది. అప్పటి వరకు నీరవ్ రిమాండ్‌కు ఆదేశించింది.

గత ఏడాది డిసెంబర్ నెలలో విజయ్‌ మాల్యాను ఆర్దర్ జైళ్లో ఉంచుతామని ప్రకటించినట్లుగానే నీరవ్‌ మోడీని కూడా అదే జైళ్లో ఉంచితే తమకు ఎలాంటి అభ్యంతరాలు ఉండకపోవచ్చని మెజిస్ట్రేట్‌ తెలిపారు. నీరవ్ తరపు లాయర్ క్లేర్‌ మాంట్‌గోమరీ కూడా మాల్యాను ఉంచిన జైళ్లోనే ఉంచితే తమకు ఎలాంటి అభ్యంతరం ఉండదన్నారు.