5 వేల మంది ఉద్యోగుల తొలగింపు

ఖర్చులు తగ్గించుకునే ఉద్దేశ్యంలో భాగంగా దాదాపు 5వేల మంది ఉద్యోగులను తొలగించినట్లుగా తెలుస్తోంది. నిర్వహణ ఖర్చులు తగ్గించుకోవడంతో పాటు లాభాలను పెంచుకునేందుకు జనవరి-మార్చి మధ్యకాలంలో సంస్థ వేలమంది కాంట్రాక్ట్ సిబ్బందిని తొలగించిందట. ప్రస్తుతం రిలయన్స్ జియోలో 50 వేలమంది విధులు నిర్వహిస్తున్నారు. వీరిలో పది శాతం అంటే 5 వేలమందిని ఉద్యోగం నుంచి తొలగించింది.

జియో పింక్ స్లిప్స్

సప్లై చైన్, హెచ్ఆర్, ఫైనాన్స్, అడ్మినిస్ట్రేషన్, నెట్ వర్క్స్ విభాగాల్లోని ఉద్యోగులకు రిలయన్స్ జియో పింక్ స్లిప్స్ ఇచ్చింది. గత రెండేళ్లలో నిర్వహణ మార్జిన్లలో పెద్దగా పురోగతి లేకపోవడంతో ఉద్యోగులను తొలగించినట్లుగా తెలుస్తోంది. గడిచిన ఆర్థిక సంవత్సరం నాలుగో త్రైమాసికంలో రిలయన్స్ జియో 126.2 కోట్ల లాభాన్ని గడించింది. అంతకుముందు క్వార్టర్‌లో రూ.131.7 కోట్లు గడించింది. అంటే యావరేజ్ రెవెన్యూ పర్ యూజర్ (ARPU) తగ్గింది.

నిర్వహణ వ్యయం

గత ఏడాది చివరి క్వార్టర్‌లో కంపెనీ 5 బేసిక్ పాయింట్స్ తగ్గి, 39 శాతంగా ఉంది. ఆ క్వార్టర్లో 8 శాతం ఖర్చులు పెరిగాయి. నెట్ వర్క్ నిర్వహణ వ్యయం, ఆర్థిక నిర్వహణ (ఖర్చులు) పెరగడంతో పాటు లాభం తగ్గింది. దీంతో ఉద్యోగులను క్రమంగా తొలగించిందని తెలుస్తోంది. రిలయన్స్ జియోకు 30.7 కోట్ల కస్టమర్లు ఉన్నారు. యూజర్ బేస్ ప్రకారం 26 శాతం మార్కెట్ షేర్ కలిగి ఉంది. రెవెన్యూ మార్కెట్ షేర్ 31 శాతంగా ఉంది.