రిజర్వ్ బ్యాంక్ ఆఫ్ ఇండియా (ఆర్బీఐ) మహాత్మా గాంధీ (కొత్త) సిరీస్‌లో రూ.10 డినామినేషన్‌తో కొత్త నోటును జారీ చేయనుంది. ఈ మేరకు సోమవారం ఆర్బీఐ ప్రకటన చేసింది. ఆర్బీఐ గవర్నర్‌ శక్తికాంతదాస్‌ సంతకంతో రూ.10 నోటును తీసుకు వస్తున్నట్లు తెలిపింది. త్వరలో ఈ కొత్త నోట్లను జారీ చేయనున్నట్లు తెలిపింది.

మహాత్మాగాంధీ (కొత్త) సిరీస్‍‌లో అన్ని ఇతర నోట్లు ఉన్న తరహాలోనే రూ.10 కొత్త నోటును డిజైన్‌ చేసినట్లు ఆర్బీఐ స్పష్టం చేసింది. కొత్తగా జారీ చేయనున్న రూ.10 నోటుతోపాటు గతంలో జారీ చేసిన నోట్లు అన్నీ చెల్లుబాటు అవుతాయని ఆర్బీఐ తెలిపింది.