బెంగళూరు బేస్డ్ టెక్ సర్వీసెస్ దిగ్గజం ఇన్ఫోసిస్ రానున్న మూడేళ్లలో ఇండియాలో దాదాపు రెండింతల టార్గెట్‌ను పెట్టుకుంది. దేశంలో ఈ మూడేళ్లలో ఆదాయాన్ని రెట్టింపు చేసుకోవాలని భావిస్తోంది. ప్రస్తుతం భారత్ నుంచి ఇన్ఫోసిస్‌కు 270 మిలియన్ డాలర్ల ఆదాయం వస్తోంది. ఇది ఆ కంపెనీ ఆదాయంలో 2.3 శాతం. ఈ నేపథ్యంలో రానున్న మూడేళ్లలో 500 బిలియన్ డాలర్ల ఆదాయాన్ని టార్గెట్‌గా పెట్టుకుంది.

భారత్‌లో ఆ మేరకు అవకాశాలు ఉన్నాయని ఇన్ఫోసిస్ భావిస్తోంది.
జనవరిలో ఇన్ఫోసిస్ దాదాపు 4,200 కోట్లు విలువైన ఆదాయపు పన్నుశాఖకు చెందిన కాంట్రాక్టును దక్కించుకొంది. ఈ కంపెనీ ఇప్పటికే ఐటీ శాఖకు చెందిన సీపీసీ ప్రాజెక్టును కూడా నిర్వహిస్తోంది.

2015లో కంపెనీ రూ.1,380 కోట్ల విలువైన జీఎస్టీ నెట్ వర్క్ తయారీ, నిర్వహణ కాంట్రాక్టును దక్కించుకొంది. చెల్లింపుల సమస్య కారణంగా ఐటీ కంపెనీలు భారత మార్కెట్‌కు దూరంగా ఉంటున్నాయని నిపుణులు చెబుతున్నారు.