గూగుల్.. ఆండ్రాయిడ్ వినియోగదారులకు కొత్త ఫీచర్‌ను అందుబాటులోకి తీసుకురానుంది. మొబైల్ ఫోన్లో ఫోటోలు, వీడియోలను అందరూ బ్యాకప్ చేసుకుంటారు. అలా బ్యాకప్ కానీ వీడియోలు, ఫోటోలను ఈజీగా గుర్తించేందుకు గూగుల్ ఈ ఫీచర్ అందుబాటులోకి తీసుకురానుంది.

గూగుల్ ఫొటోలను అప్‌డేట్ చేసుకుంటే గ్యాలరీలో ఫొటోలు, వీడియాల పక్కన బ్యాకప్‌ స్టేటస్‌ ఇండికేటర్‌ ఉంటుంది. దీంతో యూజర్లు మ్యాన్యువల్‌గా వీటిని బ్యాకప్‌ చేసుకునే వీలు ఉంటుంది.

కొత్త గ్యాలరీ వ్యూని తీసుకు వచ్చామని, అప్పటివరకూ బ్యాకప్‌ చేసుకొని ఫొటోలు, వీడియోలను గుర్తించేందుకు ఇది సహాయపడుతుందని, అలాగే మార్కెట్లోకి కొత్తగా వస్తున్న ఫొల్డబుల్‌ ఫోన్లలో గూగుల్ ఫొటోలను సులభంగా వినియోగించుకోవడానికి వీలుగా పలు మార్పులు చేసినట్లు గూగుల్‌ పేర్కొంది. ఈ కొత్త పీచర్ ఈ అప్‌డేషన్‌ త్వరలో అందుబాటులోకి రానుంది.