టీసీఎస్, గూగుల్, అమెజాన్ దాటేసిన ఫ్లిప్‌కార్ట్!: ఇండియన్స్ జాబ్ కోరుకునే టాప్ కంపెనీలు ఇవే

ఫ్లిప్‌కార్ట్‌లో ఉద్యోగులు

సచిన్, బిన్నీ బన్సాల్‌లు ఫ్లిప్‌కార్ట్‌ను స్థాపించారు. ఆ తర్వాత దీనిని వాల్‌మార్ట్ రూ.1.4 లక్షల కోట్లకు కొనుగోలు చేసింది. ఇందులో భారత దేశంలో 13,900 మంది ఉద్యోగులు ఉన్నారు. అలాగే, అమెజాన్ రెండో స్థానంలో ఉంది. ఇందులో 50,000 మంది ఉద్యోగులు ఉన్నారు. అమెజాన్ లర్నింగ్ (ఎంఎల్), అమెజాన్ వెబ్ సిరీస్ సర్వీసెస్ (ఏడబ్ల్యుఎస్)లు ఉన్నాయి. ఏప్రిల్ 2, 2019 అమెజాన్‌లో 1,950 జాబ్ ఓపెనింగ్స్ ఉన్నాయి. ఓయో ఈ జాబితాలో మూడో స్థానంలో ఉంది. నాలుగో స్థానంలో ఉన్న పేటీఎం మాతృ సంస్థ వన్ 97లో హెచ్ఆర్, సేల్స్, ఆన్‌లైన్ మార్కెటింగ్‌లో దూసుకెళ్తోంది.

ఉబెర్ వర్సెస్ ఓలా, జొమాటో వర్సెస్ స్విగ్గీ

ఉబెర్ సంస్థ ఐదో స్థానంలో ఉండగా, దాని పోటీదారు ఓలా మాత్రం 19వ స్థానంలో ఉంది. అలాగే, స్వీగ్గీ ఆరో స్థధానంలో ఉండగా, దాని పోటీదారు జొమాటో ఎనిమిదో స్థానంలో ఉంది. స్విగ్గీలో 6వేల మంది ఉద్యోగులు ఉన్నారు. గత ఏడాది ఫిబ్రవరిలో స్విగ్గీ విలువ దాదాపు ఐదు రెట్లు పెరిగింది. గత ఏడాది ఫిబ్రవరిలో 700 మిలియన్ డాలర్లుగా ఉండగా, డిసెంబర్ కల్లా 3.3 బిలియన్ డాలర్లుగా ఉంది. బెంగళూరు, ముంబై, న్యూఢిల్లీ, హైదరాబాద్ సహా 75 నగరాల్లో ఉంది. జొమాటోకు నెలకు 21 మిలియన్ ఆర్డర్లు వస్తున్నాయి. అలాగే, ఐసీఐసీఐ కంటే యస్ బ్యాంకులో ఉద్యోగం కోసం ఎక్కువ మంది ఆసక్తి చూపిస్తున్నారు.

టీసీఎస్, ఐబీఎం, యాక్సెంచర్

దేశంలో ఎక్కువ మంది ఉద్యోగులు ఉన్న టెక్ సంస్థ టీసీఎస్. ఇందులో 4.17 లక్షల మంది ఉద్యోగులు ఉన్నారు. ర్యాకింగ్‌లో ఏడో స్థానంలో నిలిచింది. ఇది వరల్డ్ నెంబర్ వన్ ఐటీ కంపెనీ. గూగుల్‌లో ప్రపంచవ్యాప్తంగా 98వేల మంది ఉద్యోగులు ఉన్నారు. గూగుల్ 9వ స్థానంలో నిలిచింది. యాక్సెంచర్ 18వ స్థాంలో ఉంది. ఇందులో 1.5 లక్షల మంది ఉద్యోగులు ఉన్నారు. 15వ స్థానంలో ఉన్న ఐబీఎంలో 1 లక్ష మంది ఉద్యోగులు ఉన్నారు.

మొదటిసారి ఎక్కువ కంపెనీకి చోటు

ఈ లిస్టులో సగం సంస్థలు మొదటిసారి చోటు దక్కించుకున్నాయని లింక్డిన్ ఇండియా మేనేజింగ్‌ ఎడిటర్‌ ఆదిత్‌ ఛార్లీ తెలిపారు. యువ నిపుణులను ఆకర్షించడం వల్లే ఎల్ అండ్‌ టీ, రిలయన్స్ ఇండస్ట్రీస్‌, టీసీఎస్ వంటి సంస్థలు కూడా ఇందులో చేరాయన్నారు. ఈ జాబితాలోని అధిక సంస్థలు ఇంజినీరింగ్‌ ఉద్యోగాల కోసం కొత్తగా ఎంపికలు చేస్తున్నాయని, తదుపరి కార్యకలాపాల నిర్వహణ, వ్యాపారాభివృద్ధికి సంబంధించినవి ఉంటాయని చెప్పారు. లింక్డిన్‌కు ప్రపంచవ్యాప్తంగా ఉన్న 61 కోట్ల మంది సభ్యులు, ఆయా ప్రాంతాల్లోని సంస్థలను ఎంచుకున్నారు. కంపెనీపై ఆసక్తి, ఉద్యోగులతో ఆయా సంస్థలకు ఉన్న అనుబంధం, ఉద్యోగుల్ని నిలుపుకోవడం వంటి అంశాలను పరిగణనలోకి తీసుకున్నారు. ఈ జాబితాలో చోటు సంపాదించిన కంపెనీల్లో ఎక్కువ భాగం ఇంజినీరింగ్ విభాగాల్లోనే ఎక్కువ నియామకాలు జరిపాయి. ఆపరేషన్స్, వ్యాపార అభివృద్ధి తర్వాత స్థానాల్లో నిలిచాయి.