ఐటీ రిటర్న్స్ దాఖలు చేసేవారికి లింక్ తప్పనిసరి

ఐటీ రిటర్న్స్ ఫైల్ చేసే వారికి ఆధార్ - పాన్ కార్డ్ లింకింగ్ తప్పనిసరి సుప్రీం కోర్టు గత ఏడాది సెప్టెంబర్ నెలలో చెప్పింది. అదే సమయంలో బ్యాంకు అకౌంట్లకు, మొబైల్ కనెక్షన్స్‌కు తప్పనిసరి కాదని చెప్పింది. టెలికాం సర్వీస్ ప్రొవైడర్లు ఆధార్ కార్డు తప్పనిసరి అని అడగవద్దని చెప్పింది. ఐటీ ఫైల్ చేసే వారు మాత్రం లింక్ చేసుకోవాలి. గత ఏడాది సెప్టెంబర్ నెల వరకు 41 కోట్ల పాన్ కార్డులు జారీ చేస్తే, అప్పటికి 21 కోట్ల మంది తమ పాన్ కార్డుతో ఆధార్‌ను లింక్ చేసుకున్నారు. పాన్ - ఆధార్ లింకింగ్‌కు గతంలో 2017లో జూలై 31, ఆగస్ట్ 31, డిసెంబర్ 31‌లను, ఆ తర్వాత 2018లో మార్చి 31, జూన్ 30లను, అనంతరం 2019లో మార్చి 31ని డెడ్ లైన్ పెట్టారు. ఇప్పుడు మరోసారి సెప్టెంబర్ 30వ తేదీకి (2019) పొడిగించారు.

ఇన్‌కం ట్యాక్స్ వెబ్‌సైట్లోకి వెళ్లి లేదా ఎస్సెమ్మెస్ ద్వారా లింక్

పాన్ - ఆధార్ లింకింగ్ చాలా సులభం. http://www.incometaxindiaefiling.gov.in/home వెబ్ సైట్‌లో వెళ్లి ఆధార్ లింక్ విభాగంలో ఇది ఉంటుంది. ఎడమ వైపున 'Link Aadhaar' అని ఉంటుంది. అక్కడ పాన్, ఆధార్ నెంబర్, ఆధార్ కార్డు ప్రకారం పేరు, ఆధార్ కార్డు ప్రకారం పుట్టిన తేదీ తదితర వివరాలు ఇచ్చిన తర్వాత కాప్చా కోడ్ టైప్ చేయాలి. విజువల్లీ ఛాలెంజ్‌డ్ యూజర్స్‌కు ఓటీపీని అందుబాటులో ఉంచారు. చివరలో 'Link Aadhaar' పైన క్లిక్ చేయండి.

మీరు ఎస్సెమ్మెస్ రూపంలో కూడా ఆధార్ - పాన్ లింక్ చేసుకోవచ్చు. - UIDPAN <12 డిజిట్ ఆధార్ నెంబర్ ><10 డిజిట్ పాన్ నెంబర్> మెసేజ్ టైప్ చేసి 567678 లేదా 56161కు ఆ సందేశాన్ని పంపించాలి. రిజిస్టర్డ్ మొబైల్ నెంబర్ ద్వారా పంపించాలి.

ఈ సమయాల్లోను అనుసంధానం కోరవచ్చు

ఆన్‌లైన్‌లో ఆదాయపన్ను రిటర్న్స్ ఫైల్ చేసే సమయంలో కూడా ఆధార్ సంఖ్యను పాన్ సంఖ్యతో అనుసంధానం కోరవచ్చు. ఎన్ఎస్‌డీఎల్, యూటీఐఐటీఎస్ఎల్ వెబ్ సైట్లలో లభిస్తుంది. పాన్ కార్డు దరఖాస్తు సమయంలో కానీ పాన్ కార్డులో మార్పులకు దరఖాస్తు చేసే సమయంలో కానీ మనం ఆధార్ అనుసంధానం కోరవచ్చు.