6.2 సెకండ్లలో 100 కిలో మీటర్ల వేగాన్ని అందుకుంటుంది

2 లీటర్ 4 సిలిండర్ పెట్రోల్ ఇంజిన్‌తో రూపొందించిన ఈ కారు 252 హెచ్‌పీ (హార్స్ పవర్) సామర్థ్యంతో నడుస్తుంది. ఈ కారు కేవలం 6.2 సెకండ్లలోనే 0 నుంచి 100 కిలో మీటర్ల వేగం అందుకుంటుంది. ఇప్పటికే ఈ మోడల్‌లో డీజిల్‌ ఇంజిన్‌ కార్లను మన దేశంలో ఈ కంపెనీ విక్రయిస్తోంది. ఆరు ఎయిర్‌ బ్యాగ్‌లు, ఏబీఎస్‌, బ్రేక్‌ అసిస్ట్‌ డైనమిక్‌ స్టెబిలిటీ కంట్రోల్‌ (డీఎస్సీ), డైనమిక్‌ ట్రాక్షన్‌ కంట్రోల్‌ (డీటీసీ), కార్నరింగ్‌ బ్రేక్‌ కంట్రోల్‌ (సీబీసీ), గెస్చర్‌-కంట్రోల్‌, డిస్‌ప్లే కీ తదితర ఆధునిక భద్రతా ప్రమాణాలు దీని ప్రత్యేకత.

కారు చుట్టూ ఏం జరుగుతుందో తెలుసుకోవచ్చు

ఈ సరికొత్త బీఎండబ్ల్యూఐ-ఎం స్పోర్ట్స్ కారు ఆల్పైన్ వైట్(నాన్ మెటల్లిక్)‌లో అందుబాటులో ఉంది. అలాగే, మెటల్లిక్ పేయింట్ వర్క్స్.. బ్లాక్ సఫైర్, మెడిటర్రనీన్ బ్లూ, బ్లూస్టోన్ మెటల్లిక్ మెయల్లిక్ పేయింట్ వర్క్స్‌లలో అందుబాటులో ఉంది. టెక్నాలజీపరంగా ఆధునీకరించిన ఈ కారు చుట్టు ఏం జరుగుతుందో అందులో ఏర్పాటు చేసిన స్క్రీన్‌పై ప్రసారం అవుతుంది. డ్రైవర్‌కు 24 గంటలు కూడా ఈ కారు గురించి తెలుసుకునే వెసులుబాటు ఉంది.

పార్కింగ్ ఎంతో సులువు

స్మార్ట్ ఫోన్ యూజర్‌కు వైర్ లెస్ ఛార్జింగ్ కూడా ఉంది. సరౌండ్ వ్యూ కెమెరాలు, పార్క్ డిస్టెన్స్ కంట్రోల్‌ల వంటి పార్కింగ్ అసిస్టెంట్ హెల్ప్‌తో పార్కింగ్ కూడా సులభంగా చేసుకోవచ్చు. బీఎండబ్ల్యు డిస్‌ప్లే కీ సహాయంతో డ్రైవర్ కారు బయట ఉండే.... తక్కువ పరిధి గల పార్కింగ్‌లలో తమ కారును పార్కింగ్ చేయవచ్చు. కంఫోర్ట్ యాక్సిస్ సిస్టం కీ లేకుండా ఓపెనింగ్, లాకింగ్‌కు అనుమతి ఇస్తుంది.