న్యూఢిల్లీ: ఇండియన్ రైల్వేస్‌కు బిగ్ అచీవ్‌మెంట్. ఇదొక గుడ్ న్యూస్... మైల్‌స్టోన్. భారతీయ రైల్వేలు ఇప్పుడు తమ ప్రయాణీకులకు 1000 రైల్వే స్టేషన్లలో ఉచిత హైస్పీడ్ వైఫై సౌకర్యం కల్పిస్తోంది. మినిస్ట్రీ ఆఫ్ రైల్వేస్ పరిధిలోని రైల్ టెల్ ఇప్పటికే వెయ్యి రైల్వే స్టేషన్లను ఉచిత వైఫై జోన్స్‌గా తయారు చేసింది. 2016 జనవరిలో ముంబై సెంట్రల్ రైల్వే స్టేషన్‌లో ఉచిత వైఫై సౌకర్యాన్ని తొలిసారి కల్పించారు. ఆ తర్వాత రెండు మూడేళ్లలో వెయ్యి రైల్వే స్టేషన్లకు ఈ సౌకర్యం కల్పించారు.

రైల్ వైర్ కింద ఇండియన్ రైల్వేస్ ఉచిత వైఫై సౌకర్యాన్ని కల్పిస్తోంది. ఇప్పుడు సెంట్రల్ రైల్వే జోన్ పరిధిలోని రే రోడ్ రైల్వే స్టేషన్‌కు కూడా ఉచిత వైఫై సౌకర్యం కల్పించారు. దీంతో వెయ్యి స్టేషన్లకు ఈ సౌకర్యం కల్పించిన గొప్ప మైలురాయిని అందుకుంది ఇండియన్ రైల్వేస్. రానున్న రోజుల్లో మరిన్ని రైల్వేస్టేషన్లలో ఉచిత వైఫై సౌకర్యం కల్పించనున్నట్లు రైల్ టెల్ తెలిపింది.

రైల్ వైర్ కింద వేగవంతమైన, ఉచిత వైఫై సౌకర్యం కల్పిస్తోంది ఇండియన్ రైల్వేస్. స్మార్ట్ ఫోన్ కలిగిన ప్రతి ఒక్కరు ఈ సౌకర్యం ఉపయోగించుకోవచ్చు. రైల్వే స్టేషన్లను ఏ, ఏ1, సీ కేటగిరీలుగా విభజించారు. ఉచిత వైఫై 4,791 బీ, సీ, డీఈ, ఈ కేటగిరీ రైల్వే స్టేషన్లకు మిగిలి ఉంది. మౌలిక సదుపాయాల లేమి కారణంగా పలు రైల్వే స్టేషన్లలో వైఫై సౌకర్యం కల్పించలేకపోతున్నారు.