జీఎస్టీ వసూళ్లు క్రమంగా పెరుగుతున్నాయాని, దీంతో రానున్న రోజుల్లో దేశంలోని కంపెనీల కార్పోరేట్ పన్నును 25 శాతం తగ్గిస్తామని కేంద్ర ఆర్దిక మంత్రి ఆరుణ్ జైట్లి హమి ఇచ్చారని ఫిక్కి తెలిపింది..
ఫిక్కి సభ్యులతో పాటు అధ్యక్షుడు సందీప్ సోమానీ కేంద్ర ఆర్థిక మంత్రి అరుణ్‌ జైట్లీతో మంగళవారం వివిధ అంశాలపై చర్చించేందుకు సమావేశం అయ్యారు..

అనంతరం అయన ఈ అంశాన్ని తెలిపారు. కాగా సమావేశంలో కంపెనీలపై పన్నుల విధింపు, ఉద్యోగ కల్పన, పరిశ్రమల ఉత్పాదకత పెంచటం వంటి అంశాలపై చర్చలు జరిగినట్టు సోమాని తెలిపారు..ఈ నేపథ్యంలోనే పన్నుల సరళీకరణ ఉంటుందని జైట్లీ హమీ ఇచ్చినట్టు చెప్పారు.

2018-19 బడ్జెట్‌లో 25శాతానికి తగ్గించిన కార్పొరేటు పన్నును రూ.250 కోట్ల వార్షిక టర్నోవర్‌ ఉన్న కంపెనీలకు కూడా ప్రభుత్వం వర్తింపజేసింది. దీంతో పన్ను రిటర్నులను దాఖలు చేసే దాదాపు 7 లక్షల కంపెనీల్లో ఇంకా 7,000 కంపెనీల దాక 30శాతం కార్పొరేట్‌ పన్ను శ్లాబ్‌లోనే ఉన్నాయి.