ఏంటీ జీఎస్‌పి

అభివృద్ధి చెందుతున్న దేశాలతో యూఎస్ ప్రభుత్వం కుదుర్చుకునే ఒప్పందం లాంటిది ఈ జనరలైజ్డ్ సిస్టమ్ ఆఫ్ ప్రిఫరెన్సెస్. దీని వల్ల ఇరు దేశాల మధ్య సులువైన వాణిజ్యం జరిగేందుకు దోహదపడ్తుంది. మన ఎలాంటి డ్యూటీలు చెల్లించకుండా కొన్ని వస్తువులను యూఎస్‌కు ఎగుమతి చేయొచ్చు. అదే సమయంలో అమెరికాను కూడా వివిధ రంగాల్లో మనం అనుమతించాల్సి ఉంటుంది. ప్రస్తుతం ఈ ప్రోగ్రాం కింద సుమారు 2000 ఉత్పత్తులను మన అమెరికా దేశానికి ఎగుమతి చేస్తున్నాం. వీటిలో ఆటో విడిభాగాలు, ఇండస్ట్రియల్ వాల్వ్స్, టెక్స్‌టైల్ మెటీరియల్ వంటివి ఉన్నాయి. 2017లో మనం సుమారు 5.7 బిలియన్ డాలర్ల విలువైన వస్తువులను ఈ ప్రోగ్రాం కింద అమెరికా దేశానికి ఎక్స్‌పోర్ట్ చేశాం.

ఇప్పుడేంటి

ఇండియా ఈ ప్రోగ్రాం కింద డ్యూటీ ఫ్రీలో యూఎస్‌కు భారీ ఎత్తున వస్తువులను ఎగుమతి చేస్తోంది కానీ తమ దేశ కంపెనీలకు మాత్రం వివిధ రంగాల్లో ఎలాంటి ప్రయోజనం కల్గించనీయకుండా చేస్తోంది అంటూ డోనాల్డ్ ట్రంప్ ఆగ్రహంగా ఉన్నారు. ఇప్పటికీ అనేక అమెరికన్ ఉత్పత్తులపై భారత్ భారీగా పన్నులు విధిస్తోందని, ఇది ఎంత మాత్రం సమర్థనీయం కాదనేది ట్రంప్ వాదన.

స్టంట్స్ దెబ్బ

వాస్తవానికి డైరీ, మెడికల్ డివైజెస్ విషయంలో డోనాల్డ్ ట్రంప్ ఊగిపోతున్నారు. ఎందుంటే ప్రధానంగా పాలు, పాల ఉత్పత్తులు మన దేశంలో అడుగుపెడితే ఇక్కడి పరిశ్రమలు, పాడి రైతులు ఇబ్బందిపడ్తారనే ఉద్దేశంతో కేంద్రం ఇంతకాలం అనేక జాగ్రత్తలు తీసుకుంటూ వచ్చింది.

మరోవైపు వైద్యాన్ని, వైద్యపరికరాలను ప్రజలకు మరింత దగ్గర చేసేందుకు కేంద్రం తీవ్రంగా యత్నించింది. అందులో భాగంగా స్టంట్స్(గుండె సంబంధ ట్రీట్‌మెంట్‌లో వినియోగించేవి) రేట్లను 40-50 శాతానికి పైగా కిందికి దించింది. దీని వల్ల విదేశీ కంపెనీలు నష్టపోతున్నాయని, పెద్దగా లాభం ఉండడం లేదని రోనాల్ట్ ట్రంప్ సర్కార్ వాదన. ఈ నేపధ్యంలో ప్రభుత్వం కూడా ఈ రెండు రంగాల్లో అమెరికా పెత్తనాన్ని చూస్తూ ఊరుకోవడం కష్టం.

మనకు కష్టమా

డోనాల్డ్ ట్రంప్ లేఖ నేపధ్యంలో మళ్లీ రెండు దేశాల మధ్య వాణిజ్య ఇబ్బందులు తలెత్తుతాయి. అయితే మళ్లీ బేరసారాలు నడిపేందుకు మనకు 60 రోజుల సమయం దొరుకుతుంది. ఈ లోపు ఇరు దేశాల వాణిజ్య శాఖ ప్రతినిధులు చర్చలు జరిపి ఓ అవగాహనకు వస్తూ అప్పుడు జీఎస్‌పి హోదా కొనసాగేందుకు ఆస్కారం ఉంటుంది.