ఐ.టి ఉద్యోగం కోసం ప్రయత్నం చేస్తున్న వారికీ శుభవార్త! మీకోసమే చదవండి.
భారత ఐటి పరిశ్రమ ఈ ఏడాది 8 శాతం వృద్ధితో 16,700 కోట్ల డాలర్లకు (రూ.10.85 లక్షల కోట్లు) చేరబోతున్నదని, ఆ రంగంలో కొత్తగా లక్ష నియామకాలు జరిగే ఆస్కారం ఉన్నదని న్యాయ, ఐటి శాఖ మంత్రి రవిశంకర్‌ ప్రసాద్‌ తెలిపారు. నాస్కామ్‌ ప్రెసిడెంట్‌ దేవయాని ఘోష్‌ తనను కలిశారని, తాము ఐటి రంగానికి చెందిన అంశాలు విస్తృతంగా చర్చించామని తెలుపుతూ ఈ సందర్భంగా ఆమె తనకు ఈ విషయం తెలిపారని ట్విట్టర్‌ సందేశంలో పేర్కొన్నారు.

2018-19 ఆర్థిక సంవత్సరంలో ఐటి ఎగుమతులు 13,700 కోట్ల డాలర్లకు చేరనున్నాయని, మొత్తం ఐటి-బిపిఒ పరిశ్రమ పరిమాణం 1,400-1,600 కోట్ల డాలర్ల మధ్య ఉంటుందని నాస్కామ్‌ అంచనాలు ప్రకటించింది. శుక్రవారం దేవయాని ఘోష్‌ బ్రిటన్‌లో డిజిటల్‌ శాఖ మంత్రి మాట్‌ హాంకాక్‌తో కలిసి 4వ భారత యుకె టెక్‌ రాకెట్‌షిప్‌ అవార్డులను ప్రారంభించారు. కృత్రిమ మేథస్సు, బిగ్‌ డేటా, సైబర్‌ సెక్యూరిటీ, ఫిన్‌టెక్‌, ఐఒటి వంటి కొత్త టెక్నాలజీ విభాగాల్లోని భారత స్టార్ట్‌పల కోసం ఈ అవార్డులను ఏర్పాటు చేశారు. ఈ అవార్డులను గెలుచుకున్న వారికి 2019 లండన్‌ టెక్‌ వీక్‌లో పాల్గొని భాగస్వామ్యాలు, పెట్టుబడులు, ఇంక్యుబేటర్ల కోసం ప్రతిపాదనలు చర్చించే అవకాశం కలుగుతుంది.కంటెంట్ ఫ్రొమ్ ఏబిన్.