నోట్ల ర‌ద్దు త‌ర్వాత దేశంలో ఉద్యోగాల‌పైనే కాకుండా ఎగుమ‌తుల‌పై ప్ర‌భావం ప‌డింది. దీంతో ప‌రిస్థితిని చ‌క్క‌దిద్దేందుకు కేంద్రం సంసిద్ద‌మైంది. కేంద్ర‌ వాణిజ్య మంత్రిత్వ శాఖ దేశంలోని సూక్ష్మ‌, చిన్న‌, మ‌ధ్య త‌ర‌హా ప‌రిశ్ర‌మ‌లు మ‌ధ్య కాలంలో ఏయే ఎగుమతుల‌ను ఎక్కువ చేయ‌గ‌ల‌రు, ఇప్పుడున్న స్థాయి నుంచి మెరుగుప‌డాలంటే ఏం చేయాల‌న్న దానిపై ఒక స‌మీక్ష‌ను విడుద‌ల చేసింది. ముఖ్యంగా కార్మికులు ఎక్కువ‌గా ఆధార‌ప‌డే రంగాలు, వ్య‌వ‌సాయ రంగంపై దృష్టి పెట్టింది. జీఎస్టీ, అంత‌కుముందు నోట్ల ర‌ద్దు కార‌ణంగా చితికిపోయిన ప‌రిశ్ర‌మ‌ల‌కు ఊత‌మిస్తూ ఎగుమ‌తిదార్ల‌కు అద‌నంగా రూ.8450 కోట్ల ప్రోత్సాహ‌కాల‌ను కేంద్ర ప్ర‌భుత్వం ప్ర‌క‌టించింది. ఇప్పుడున్న ఎగుమ‌తి ప్రోత్సాహ‌కాల‌కు ఇది 34 శాతం అద‌నం. జాబితాను కింద చూడొచ్చు

కార్మికులు ఎక్కువ‌గా ఆధార‌ప‌డే రంగాలు, ఎంఎస్ఎంఈ రంగాల‌కు మొత్తం రూ.4567 కోట్ల ప్ర‌యోజ‌నాలు క‌ల్పించే అవ‌కాశం ఉంది. ప్ర‌భుత్వం ప్ర‌క‌టించిన ఎగుమ‌తి ప్రోత్సాహ‌కాల జాబితా ఈ విధంగా ఉంది.
లెద‌ర్ రంగం: రూ. 749 కోట్లు
చేతితో త‌యార‌య్యే కార్పెట్లు: రూ. 921 కోట్లు
వ్య‌వ‌సాయ రంగం: రూ. 1354 కోట్లు
మెరైన్ ఉత్ప‌త్తులు: రూ. 759 కోట్లు
టెలికాం, ఎల‌క్ట్రానిక్ ఉత్ప‌త్తులు :రూ. 369 కోట్లు
మెడిక‌ల్ ఎక్విప్ మెంట్ల‌(వైద్య ప‌రిక‌రాల) కొర‌కు: రూ. 193 కోట్లు