కాగ్నిజెంట్ త్రైమాసిక ఫ‌లితాలు ఐటీ రంగంలో ఉన్న‌ ఆందోళ‌నక‌ర ప‌రిస్థితుల‌ను వెల్ల‌డిస్తున్నాయి. కంపెనీ రెవెన్యూ అంచ‌నాల‌ను ఏడాదికి 9.5 నుంచి 10 శాతంగా ఉంచ‌డ‌మే ఇందుకు కార‌ణం. బీఎఫ్ఎస్ఐ(బ్యాంకింగ్‌, ఫైనాన్సియ‌ల్ స‌ర్వీసెస్,ఇన్సూరెన్స్) కేట‌గిరీకి సంబంధించిన వృద్ది కంపెనీ స‌గ‌టు వృద్ది రేటు(9.1%) కంటే త‌క్కువ‌గా ఉంది. అయితే ఓవ‌రాల్‌గా కంపెనీ రెవెన్యూ, నిక‌ర లాభాల ప‌రిస్థితి చెప్పుకోద‌గ్గ విధంగానే ఉంద‌ని తెలుస్తోంది.

ప్ర‌స్తుత ఏడాది మూడో త్రైమాసికంలో సెప్టెంబ‌రుతో ముగిసిన 3 నెల‌ల కాలంలో నిక‌ర లాభం 495 మిలియ‌న్ డాల‌ర్లుగా న‌మోదైంది. గ‌తేడాది ఇదే త్రైమాసికంలో నిక‌ర లాభం 444 మిలియ‌న్ డాల‌ర్ల కంటే ఇది 11% ఎక్కువ‌. ఇంకా కంపెనీ ఆదాయాలు చూస్తే 9.1% వృద్దితో 3.77 బిలియ‌న్ డాల‌ర్లుగా ఉన్నాయి. దేశంలో టాప్ 10 ఐటీ కంపెనీలు
భార‌త్‌లో ఐటీ ఉద్యోగుల ప‌రంగా మూడో అతిపెద్ద కంపెనీగా కాగ్నిజెంట్ ఉంది. ఈ ఏడాది అంత‌కుముందు త్రైమ‌సికంలో కంపెనీ ఉద్యోగుల సంఖ్య 2,56,800గా ఉండ‌గా సెప్టెంబ‌రు త్రైమాసికానికి స్వ‌ల్పంగా త‌గ్గి 2,56,100గా ఉంది. దేశంలో ఇదివ‌ర‌కే ఫ‌లితాల‌ను వెల్ల‌డించిన ఐటీ దిగ్గ‌జ సంస్థ‌లు టాటా క‌న్స‌ల్టెన్సీ స‌ర్వీసెస్; ఇన్ఫోసిస్‌, విప్రో వంటి వాటి కంటే నిక‌ర లాభాల్లోనూ, రెవెన్యూ విష‌యంలో సెప్టెంబ‌రు మాసంలో సీటీఎస్ ప‌రిస్థితి ఉండ‌టం ఒక విధంగా సంతోషించాల్సిన విష‌యం.