ఆర్థిక శాఖ ముఖ్య ఆర్థిక స‌ల‌హాదారు అర‌వింద్ సుబ్ర‌మ‌ణియ‌న్ ప‌ద‌వీ కాలాన్ని అక్టోబ‌ర్ 2018 వ‌ర‌కూ మ‌రో ఏడాది పాటు పొడిగించారు. 2014లో ఆయ‌న మూడేళ్ల కాలానికి ఆ ప‌ద‌విలో నియ‌మితుల‌య్యారు. ఇప్పుడు అక్టోబ‌ర్ 16,2017న ఆయ‌న ప‌ద‌వీ కాలం ముగియ‌నుండ‌టంతో ప్ర‌స్తుతం మ‌రో ఏడాది పాటు పొడిగించారు. ప‌దవీ కాలం పొడిగింపుకు సంబంధించిన ఫైల్ ముందుకు సాగింది. అయితే దానికి సంబంధించిన ప్ర‌క‌ట‌నే రావాల్సి ఉంద‌ని ఆర్థిక శాఖ వ‌ర్గాలు తెలిపాయి.

పీటీఐ నివేదిక ప్ర‌కారం,సుబ్ర‌మ‌ణియ‌న్ పీట‌ర్స‌న్ అంత‌ర్జాతీయ ఆర్థిక సంస్థ‌లో అధ్యాపకుడిగా ప‌నిచేస్తున్నారు. అయితే 2014లో మ‌న దేశానికి ముఖ్య‌మైన ప‌దవి చేప‌ట్టడానికి వ‌చ్చారు. స్థూల ఆర్థిక విధానాలు, వార్షిక విశ్లేష‌ణ‌లు, ఆర్థిక స‌ర్వే వంటి అంశాల్లో ఆర్థిక శాఖ‌కు స‌ల‌హాలిచ్చే ప‌ని ముఖ్య ఆర్థిక స‌ల‌హాదారు నిర్వ‌ర్తిస్తారు. ఒక ప‌క్క వృద్ది త‌గ్గుముఖం ప‌ట్ట‌డం, ద్ర‌వ్యోల్బ‌ణం పెరుగుతున్న నేప‌థ్యంలో దేశ ఆర్థిక స్థితిని గురించి వివ‌రించేందుకు శుక్ర‌వారం సుబ్ర‌మ‌ణియ‌న్ దేశ ప్ర‌ధాన‌మంత్రి న‌రేంద్ర మోదీని క‌లిశారు.