ప్రత్యక్ష పన్ను వసూళ్లు ఈ ఆర్థిక సంవత్సరం (2017-18) ఏప్రిల్-జూలై వ్యవధిలో గతంతో పోలిస్తే 19.1 శాతం పెరిగి 1.90 లక్షల కోట్ల రూపాయలుగా నమోదయ్యాయి. ప్రస్తుత ఆర్థిక సంవత్సరం 9.80 లక్షల కోట్ల రూపాయల వసూళ్లను కేంద్రంలోని నరేంద్ర మోదీ సర్కారు లక్ష్యంగా పెట్టుకుంది. ఈ క్రమంలో తొలి నాలుగు నెలల్లో 19.5 శాతం లక్ష్యం నెరవేరింది. మొత్తంగా ప్ర‌త్యక్ష ప‌న్ను వ‌సూళ్లలో వ్య‌క్తిగ‌త ఆదాయ‌పు ప‌న్ను, కార్పొరేట్ ప‌న్ను ఉంటాయి. ఈ రెండింటిలోనూ స్థిర వృద్ది ఉంటుంద‌ని ఆర్థిక శాఖ పేర్కొంది. కార్పొరేట్ ఆదాయ‌పు ప‌న్ను వ‌సూళ్ల‌లో వృద్ది రేటు 7.2 శాతంగా ఉండ‌గా; వ‌్య‌క్తిగ‌త ఆదాయ‌పు ప‌న్ను వ‌సూళ్ల‌లో నాలుగు నెల‌ల్లో వృద్ది రేటు 17.5% ఉంది. అయితే వీటిలో రీఫండ్ల‌కు సంబంధించిన వివ‌రాల్లేవు. రీఫండ్ల త‌ర్వాత స‌వ‌రించిన లెక్క‌లు చూస్తే నిక‌ర కార్పొరేట్ వ‌సూళ్ల వృద్ది రేటు 23.2% కాగా, వ్య‌క్తిగ‌త ఆదాయ‌పు ప‌న్ను వ‌సూళ్ల‌లో వృద్ది రేటు 15.7శాతంగా ఉంది.