దేశంలో మూడో అతిపెద్ద టెలికాం సంస్థ ఐడియా వ‌రుస‌గా మూడో త్రైమాసికంలోనూ న‌ష్టాల‌ను చ‌విచూసింది. రిల‌య‌న్స్ జియో నుంచి తీవ్ర పోటీ నేప‌థ్యంలో టెలికాం సంస్థ‌ల‌న్నీ న‌ష్టాల‌ను మూట‌గ‌ట్టుకున్న సంగ‌తి తెలిసిందే. జూన్‌తో ముగిసిన త్రైమాసికానికి ఐడియా రూ. 815 కోట్ల నిక‌ర న‌ష్టాల‌ను న‌మోదు చేసింది. గ‌తేడాది ఇదే త్రైమాసికంలో రూ.220 కోట్ల లాభాన్ని ప్ర‌క‌టించింది. దీంతో పోలిస్తే ఈ సంవ‌త్స‌రం భారీగా న‌ష్ట‌పోయింది. అంతే కాకుండా ఆదాయం సైతం 14% త‌గ్గి రూ.8182 కోట్లుగా ఉంది.