రెవెన్యూలు త‌గ్గించి చూపాయ్‌

దీంతో ప్రభుత్వానికి రూ.7,697.6 కోట్ల పన్నులు, ఇతర చెల్లింపులకు ఎగ్గొట్టాయని తన నివేదికలో తెలిపింది. కాగ్‌ తన ఆడిట్‌లో 6 టెలికాం సంస్థ‌లు మదింపులో స్థూల గ్రాస్‌ రెవెన్యూలు తగ్గించి చూపించాయని పేర్కొంది. భారతీ ఎయిర్‌టెల్‌, వొడాఫోన్‌ ఇండియా, ఐడియా సెల్యులార్‌, రిలయన్స్‌ కమ్యూనికేషన్స్‌, ఎయిర్‌ సెల్‌ వంటి ఐదు ఆపరేటర్లకు సంబంధించిన 2010-11 నుంచి 2014-15 కాల ఆడిట్‌ రిపోర్టులో దీన్ని బయటపెట్టింది.

మోసాలు ఈ విధంగా

మౌలిక వసతుల షేరింగ్‌, విదేశీ మారకం పెరుగుదల, ఆదాయంపై వడ్డీ, పెట్టుబడుల అమ్మకాలు తదితర విభాగాల్లో ఈ మోసాలకు పాల్పడ్డాయని కాగ్ తేల్చింది. రెవెన్యూ షేరును తక్కువ చేసి చూపించడంతో ప్రభుత్వం భారీ మొత్తంలోనే చెల్లింపులను పోగట్టు కుందని కాగ్ నివేదికంలో పొందుప‌రిచింది.

ప్ర‌ధాన టెలికాం సంస్థ‌లు ఇలా...

2010-11 నుంచి 2014-15 కాలంలో ఎయిర్‌టెల్‌ ప్రభుత్వానికి లైసెన్స్‌ ఫీజు, స్పెక్ట్రం చార్జీల కింద రూ.2,602.24 కోట్లు బాకీ పడిందని పేర్కొంది. మరో రూ.1,245.91 కోట్ల వడ్డీ చెల్లించాల్సి ఉందని తెలిపింది. వొడాఫోన్‌ రూ.1,178.84 కోట్ల వడ్డీతో కలుపుకుని రూ.3.331.79 కోట్లు చెల్లించాల్సి ఉంది. ఆర్‌కామ్‌ రూ.1,911 కోట్లు, ఎయిర్‌సెల్‌ రూ.1,226.65 కోట్లు, ఎస్‌ఎస్‌టిఎల్‌ రూ.116.71 కోట్ల చొప్పున చెల్లించాల్సి ఉంది.

టెలికాం శాఖ వైఫ‌ల్యాన్ని ఎత్తిచూపిన ఆడిట‌ర్‌

లైసెన్సుల్లో ఉన్న విధంగా రెవెన్యూల‌కు సంబంధించి త‌ప్పుడు లెక్క‌లు చూపినా త‌గు చ‌ర్య‌లు తీసుకోవ‌డంలో టెలికాం శాఖ వైఫల్యాన్ని ఆడిట‌ర్ ఎత్తిచూపారు. త‌క్కువ రెవెన్యూల మూలంగా వ‌చ్చిన ఆదాయానికి చెల్లించిన వాస్త‌వ వ‌డ్డీ రూ.4531.62 కోట్లు. నిజానికి ప్ర‌భుత్వానికి వారు చెల్లించాల్సిన సొమ్ము రూ.12,220 కోట్లు.