కోల్గేట్ పామోలివ్ (ఇండియా).. తమ టూత్‌పేస్ట్, టూత్‌బ్రష్‌ల ధరలను 8-9 శాతం మేర తగ్గించింది. వస్తు, సేవల పన్ను (జిఎస్‌టి) విధానంలో పన్నుల భారం తగ్గడమే దీనికి కారణం. జిఎస్‌టిలో టూత్‌పేస్ట్‌లపై పన్ను దాదాపు 24 శాతం నుంచి 18 శాతానికి తగ్గింది. దేశీయ టూత్‌పేస్ట్ మార్కెట్‌లో కోల్గేట్ పామోలివ్ ఒక్క‌టే 50%కి పైగా వాటాను క‌లిగి ఉంది. ఈ క్రమంలోనే 100 గ్రాముల పేస్ట్‌పై 6 రూపాయలు, 65 రూపాయల గరిష్ఠ ధర కలిగిన బ్రష్‌పై 5 రూపాయల ధరను తగ్గించింది. ఇప్పటికే పలు ఎఫ్ఎమ్‌సీజీ సంస్థలు తమ ఉత్పత్తుల ధరలను తగ్గించగా, హిందుస్థాన్ యునిలివర్ సబ్బులు, సర్ఫ్‌ల ధరలను తగ్గించింది.