లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా(ఎల్‌ఐసీ) సోమవారం మరో రెండు కొత్త బీమా పాల‌సీల‌ను ప్రారంభించింది. మహిళల కోసం ప్రత్యేకించి 'ఎల్‌ఐసీ ఆధార్‌ షిలా'.. పురుషుల కోసం 'ఆధార్‌ స్తంభ్‌'ను అందుబాటులోకి తెచ్చింది. ఈ రెండింటికి ఆధార్‌ను తప్పనిసరి చేసింది.ఎల్ఐసీ వెబ్‌సైట్లో పాల‌సీ వివ‌రాల‌ను ఉంచింది. ఎల్ఐసీ పాలసీదారులు తెల‌సుకోవాల్సిన 10 విష‌యాలు

బీమా రక్షణతో పాటు పొదుపు ప్ర‌యోజ‌నాలు క‌ల్పించేలా వీటిని ప్రవేశపెట్టింది. పాలసీ ముగిసే సమయానికి పాలసీదారుడు జీవించి ఉంటే అతనికి, అతని కుటుంబానికి ఆర్థిక భద్రత కల్పించేలా పెద్దమొత్తంలో సొమ్మును అందిస్తుంది. పాలసీ మొత్తాన్ని ఎంపిక చేసుకునే దానిని బట్టి ఈ సదుపాయం ఉంటుంది. రెండు పాలసీలకు వయో పరిమితి 8 సంవత్సరాల నుంచి 55 సంవత్సరాలుగా నిర్ణయించింది. ఈ పాల‌సీల్లో ప్ర‌త్యేక‌త ఏంటంటే ఎటువంటి వైద్య ప‌రీక్ష‌ల అవ‌స‌రం లేదు. పాలసీ వ్యవధి 10 నుంచి 20 సంవత్సరాలు. రూ.75వేల నుంచి రూ.3లక్షల వరకూ బీమా మొత్తాన్ని ఎంపిక చేసుకోవచ్చు. పాలసీపై రుణ సదుపాయాన్ని కూడా ఎల్‌ఐసీ కల్పిస్తోంది. ఎంచుకునే చెల్లింపు వ్య‌వ‌ధిని బ‌ట్టి ప్రీమియంపై 2% రిబేట్ సైతం ల‌భిస్తోంది.పాల‌సీ సంపూర్ణ‌ వివ‌రాల కోసం ఇక్క‌డ క్లిక్‌చేయండి