2016-17 ఆర్థిక సంవ‌త్స‌రంలో దేశీయ ఇన్వెస్ట‌ర్లు మ్యూచువ‌ల్ ఫండ్ల‌లో ఈక్విటీ విభాగంలోకి రూ.70 వేల కోట్ల పెట్టుబ‌డుల‌ను పెట్టారు. అంత‌కు ముందు ఏడాదితో పోలిస్తే 41% వృద్ది న‌మోదయింది. సిప్ మార్గం ద్వారా రిటైల్ ఇన్వెస్ట‌ర్లు పెట్టుబ‌డులు పెట్ట‌డమే కాకుండా, పెట్టుబ‌డిదారుల్లో అవ‌గాహ‌న పెంచేందుకు అసెట్ మేనేజ్‌మెంట్ కంపెనీలు ప్ర‌య‌త్నించ‌డం, ఈక్విటీ ఫండ్ల‌లో రిట‌ర్నులు సానుకూలంగా ఉండ‌ట‌మే ఇందుకు కార‌ణ‌మ‌ని మ్యూచువ‌ల్ ఫండ్ నిర్వ‌హ‌ణ సంస్థ‌లు విశ్లేషిస్తున్నాయి. మ్యూచువ‌ల్ ఫండ్ల‌లో పెట్టుబ‌డి పెట్టేందుకు మార్గాలు

ప్ర‌తి నెలా ఈక్విటీ ఫండ్ల‌లోకి నిధుల రాక పెర‌గ‌డంతో 2016-17 సంవ‌త్స‌రం మ్యూచువ‌ల్ ఫండ్ పరిశ్ర‌మ‌కు ఒక గొప్ప ఏడాది కాగ‌ల‌ద‌ని బ‌జాజ్ క్యాపిట‌ల్ గ్రూప్ డైరెక్ట‌ర్ అనిల్ చోప్రా చెప్పారు.
యాంఫీ(భార‌త మ్యూచువ‌ల్ ఫండ్ సంస్థ‌ల స‌మాఖ్య‌) అందించిన స‌మాచారం ప్ర‌కారం 2015-16లో ఈక్విటీ ఫండ్ల‌లో నిధుల విలువ రూ. 74,024 కోట్లుండ‌గా; 2016-17 ఆర్థికంలో స్వ‌ల్ప త‌గ్గుద‌ల‌తో రూ. 70,367 కోట్ల నిక‌ర నిధుల రాక జ‌రిగిన‌ట్లు తెలుస్తోంది.