ఒక‌ప్ప‌టి మొబైల్ త‌యారీ దిగ్గ‌జం మ‌రో సారి తన సత్తా చాటేందుకు ప్రయత్నిస్తోంది. చాలా రోజుల త‌ర్వాత స‌రికొత్త ఆలోచ‌న‌తో రెండు మొబైల్ నెట్‌ర్క్‌ల‌తో జ‌ట్టుక‌డుతోంది. తద్వారా 5జీ కనెక్టివిటీతో టెలికాం రంగంలో సంచలనం సృష్టించేందుకు నోకియా కసరత్తులు మొదలుపెట్టింది. టాప్ 10 టెలికాం కంపెనీలు

దేశీయ టెలికాం దిగ్గజాలు భారతీ ఎయిర్ టెల్, భారత్ సంచార్ నిగమ్ లిమిటెడ్ తో కలిసి 5జీ కనెక్టివిటీని అందుబాటులోకి తెచ్చే యోచనలో నోకియా ఉంది. ఈ మేరకు ఇప్పటికే దీనికి సంబంధించిన ఎంఓయూపై నోకియా సంతకం కూడా చేసిందని ఎకనమిక్ టైమ్స్(ఈటీ) ఒక కథనం ప్రచురించింది.
ఫిన్‌లాండ్ దేశానికి చెందిన‌ మొబైల్ దిగ్గ‌జం దేశంలో 5జీ ప్ర‌వేశ‌పెట్టేందుకు ప్ర‌య‌త్నాలు చేస్తున్న‌ట్లు వెల్ల‌డించింది. నోకియా ఇండియా మార్కెటింగ్ అధిప‌తి సంజ‌య్ మాలిక్ ఈటీతో మాట్లాడుతూ తాము ఈ ఎంవోయూల ద్వారా దేశంలో 5జీ అవ‌స‌ర‌మైన చ‌ర్య‌ల‌న్నీ తీసుకుంటున్న‌ట్లు తెలిపారు.
ఫిన్‌లాండ్ ప్ర‌ధాన కేంద్రంగా ప‌నిచేస్తున్న నోకియా ఒక ద‌శలో పోటీని త‌ట్టుకోలేక ఆస్తుల‌ను అమ్మ‌కానికి పెట్టింది. చెన్నై నోకియా త‌యారీ కేంద్రం అయోమ‌య స్థితిలోకి నెట్టివేయ‌బ‌డింది.