విదేశీ ఐటీ వృత్తి నిపుణుల‌కు సంబంధించి ప‌రిమితి మేర‌కు వీసా ద‌ర‌ఖాస్తుల సంఖ్య వ‌చ్చాయ‌ని, 2018 ఆర్థిక సంవ‌త్సరానికి కాంగ్రెస్ నిర్ణ‌యించిన మేర‌కు హెచ్‌1-బీ వీసా ద‌ర‌ఖాస్తులను ఇచ్చేశామ‌ని యూఎస్ ఫెడ‌ర‌ల్ ఏజెన్సీ తెలిపింది. కాంగ్రెస్ అనుమ‌తించిన 65 వేల వీసా హెచ్‌-1బీ ప‌రిమితిని అందుకున్న‌ట్లు యూఎస్ సిటిజ‌న్‌షిప్ అండ్ ఇమ్మిగ్రేష‌న్ స‌ర్వీసెస్ అధికారిక ప్ర‌క‌ట‌న‌లో పేర్కొంది. అంతే కాకుండా యూఎస్ అడ్వాన్స్‌డ్ డిగ్రీ ఎగ్జెంప్ష‌న్ సంబంధిత 20వేల వీసా సంఖ్య ప‌రిమితి కూడా సంతృప్త స్థాయిని చేరిన‌ట్లు ప్ర‌క‌ట‌న‌లో వెల్ల‌డించారు. అయితే గ‌తంలో లాట‌రీ ద్వారా అర్హుల‌ను ఎంపిక‌చేయ‌గా ఈ ఏడాది వీసా ద‌ర‌ఖాస్తుల ప్ర‌క్రియ‌ను ఎలా చేప‌డ‌తారో స‌ద‌రు ఏజెన్సీ వివ‌రించ‌లేదు.