ప్రైవేటు బ్యాంకులే అనుకుంటే ఎస్‌బీఐ దాన్ని మించిపోతోంది. దేశీయ బ్యాంకింగ్ దిగ్గ‌జం స్టేట్ బ్యాంక్ ఆఫ్ ఇండియా ఖాతాల్లో కనీస మొత్తం నగదు నిల్వ లేకపోతే తన ఖాతాదారులకు జరిమానా విధించనున్న‌ట్లు ప్ర‌క‌టించింది. ఈ సరికొత్త నిబంధన ఏప్రిల్‌ ఒకటి నుంచి అమలులోకి వస్తుందని స్టేట్ బ్యాంక్ వెల్ల‌డించింది. మెట్రో న‌గ‌రాల్లోని శాఖల్లో ఖాతాల్లో రూ.5,000, సాధారణ నగరాల్లో రూ.2,000, పట్టణాల్లో రూ.2,000 గ్రామీణ ప్రాంతాల్లోని శాఖల్లో రూ.1,000 కనీస నగదు నిల్వల‌ను నిర్వ‌హించాల‌ని తెలిపింది.

ఖాతాల్లోని నగదు ఎంత త‌క్కువ ఉందనే దాన్ని బ‌ట్టి జరిమానా ఉంటుందని అధికారులు తెలిపారు. ఖాతాల్లో కనీస నగదు నిల్వల్లో 50 నుంచి 75 శాతం కంటే తక్కువ ఉంటే రూ.75లతోపాటు అదనంగా సేవా పన్ను వసూలు చేస్తారు. 75% కంటే త‌క్కువ న‌గ‌దు నిల్వ ఉంటే మెట్రో న‌గ‌రాల్లో రూ.100తో పాటు, సేవా ప‌న్నును క‌ట్టాల్సిందే. అలాగే 50 శాతం కంటే తక్కువ ఉంటే రూ.50లతోపాటు సేవా అదనంగా వసూలు చేయనున్నారు. గ్రామీణ ప్రాంతాల్లో కనీస నిల్వలు లేని ఖాతాదారులకు రూ.20 నుంచి రూ.50 జరిమానాతోపాటు అదనంగా సేవా పన్ను ఉంటుందని తెలిపారు. అంతే కాకుండా ఏప్రిల్ 1 నుంచి ఎస్‌బీఐ శాఖ‌ల్లో మూడు కంటే ఎక్కువ న‌గ‌దు లావాదేవీలు జ‌రిపినా మూల్యం చెల్లించుకోవాల్సిందే. 3 లావాదేవీలు దాటితే రూ. 50 రుసుము ఉంటుంద‌ని ప్ర‌భుత్వ రంగ బ్యాంకు ప్ర‌క‌టించింది. దేశ‌మంతా ఒకే ఎస్‌బీఐ