ప్రస్తుత నిబంధనల ప్రకారం రూ.2.5 లక్షల లోపు ఆదాయపు పన్ను చెల్లించాల్సిన అవసరం లేని సంగతి తెలిసిందే. సాధార‌ణంగా ప్ర‌జాప్ర‌తినిధుల ఆదాయం ఎంత ఉంటుందో మ‌న‌కు ఎరుకే. కానీ రూ. 10 ల‌క్ష‌ల ఆదాయం కూడా లేని ఎమ్మేల్యేలు ఉన్నారంటే ఆశ్చ‌ర్యం క‌ల‌గ‌క మాన‌దు. అదే వింత అనుకుంటే మన దేశ ప్రజాప్రతినిధుల్లో 35 శాతం మంది అయితే పన్ను చెల్లించనవసరం లేనంతగా రూ.2.5 లక్షల కంటే తక్కువ చూపించారు. 40 శాతం మంది 2.5 నుంచి 10 లక్షల మధ్య తమ ఆదాయం ఉందని పత్రాలు సమర్పించారు. ఆదాయం రూ.10 లక్షల కంటే త‌క్కువ ఉంద‌ని 75% ఎంపీలు, ఎమ్మెల్యేలు చెప్పారంటే వారి పేద‌రికాన్ని అర్థం చేసుకోవ‌చ్చు. 2014 ఎన్నికల సమయంలో సమర్పించిన అఫిడవిట్ల ప్రకారం ఈ షాకింగ్ వివరాలు బయటకు వచ్చాయి. ఇక 24 శాతం మంది తమకు ఎలాంటి ఆదాయం లేదని ప్రకటించారు. అంటే...2.5 లక్షల పన్ను మినహాయింపు పరిధిలోని వచ్చే 35 శాతం మంది ప్రజాప్రతినిధులకు ఈ 24 శాతం మంది కలిపితే 59 శాతం మంది మనం ఎన్నుకున్న నాయకులు అసలు పన్ను చెల్లించలేడం లేదన్న మాట.