రిటైల్ ఇన్వెస్ట‌ర్ల నుంచి చెప్పుకోద‌గ్గ డిమాండ్‌తో ఆర్థిక సంవ‌త్స‌రం మొద‌టి ప‌ది నెల‌ల్లో మ్యూచువ‌ల్ ఫండ్ ఆస్తులు రికార్డుల‌ను సృష్టిస్తున్నాయి. మొత్తం 62 లక్ష‌ల మంది మ‌దుప‌ర్లు 5.4 కోట్ల రూపాయ‌ల‌ను మ్యూచువ‌ల్ ఫండ్ల‌లో మ‌దుపు చేశారు. గతంలో 2014-15లో 22 లక్ష‌ల మంది, 2015-16లో ఉన్న 59 లక్ష‌ల మందికి వీరు అద‌నం. చిన్న ప‌ట్ట‌ణాల నుంచి సైతం ప‌లువురు మ‌దుప‌ర్లు మ్యూచువ‌ల్ ఫండ్ల వైపు చూస్తుండ‌ట‌మే ఈ ప‌రిస్థితికి కార‌ణం.
సెబీ ద‌గ్గ‌ర ఉన్న స‌మాచారం ప్ర‌కారం చూస్తే43 యాక్టివ్ ఫండ్ సంస్థ‌ల వ‌ద్ద ఉన్న ఇన్వెస్ట‌ర్ల ఖాతాల వివ‌రాలు ఈ విధంగా ఉన్నాయి. గ‌త నెల చివ‌రి నాటికి మొత్తం ఖాతాల‌(ఫోలియో) సంఖ్య 5,37,81,503గా ఉంది. 2016 మార్చి నాటికి ఉన్న 4.7 కోట్ల ఖాతాల కంటే ఇవి 62 లక్ష‌లు అధికం కావ‌డం గ‌మ‌నార్హం.