దేశ జీడీపీ వృద్ది ముందు వేసిన అంచ‌నాల క‌న్నా త‌గ్గే అవ‌కాశాలు క‌న్పిస్తున్నాయి. నోట్ల రద్దు తర్వాత ఉత్పాదక, సేవా రంగాల్లో వృద్ధి గణనీయంగా తగ్గిపోయిన కారణంగా అక్టోబర్-డిసెంబర్ త్రైమాసికంలో దేశ జిడిపి వృద్ధి మునుప‌టి అంచ‌నాల కంటే చాలా తక్కువగా 5 శాతమే ఉండవచ్చని హెచ్‌ఎస్‌బిసి ఒక నివేదికలో అభిప్రాయ పడింది.

అలాగే జనవరి-మార్చి త్రైమాసికంలో సైతం జిడిపి వృద్ధి 6 శాతమే ఉండవచ్చని, అది ఇంతకు ముందు అంచనా వేసినదానికన్నా 2 శాతం తక్కువ అని ఆ నివేదిక పేర్కొంది. అయితే మార్చి తర్వాత ఆర్థిక వృద్ధి తిరిగి క్రమేణా పుంజుకుని మామూలు స్థాయి 7 శాతానికి చేరుకోవచ్చని కూడా ఆ నివేదిక పేర్కొంది.
దీంతో వ‌చ్చే ఫిబ్ర‌వ‌రి ద్వైమాసిక స‌మీక్ష‌లో ఆర్‌బీఐ 25 బేసిస్ పాయింట్ల మేర రేట్ల కోత‌కు మొగ్గుచూపొచ్చ‌ని హెచ్‌సీబీసీ తెలిపింది. ఫిబ్ర‌వ‌రి 8న రిజ‌ర్వ్ బ్యాంకు మానిట‌రీ పాల‌సీ క‌మిటీ స‌మావేశం జ‌ర‌గ‌నుంది.