పెద్ద నోట్ల రద్దు తర్వాత రిజర్వ్ బ్యాంక్ మంగళవారం మరో కీలక ప్రకటన చేసింది. త్వరలో కొత్త వంద రూపాయల నోటును విడుదల చేయనున్నట్లు ఆర్బీఐ తెలిపింది. వీటికి ఎక్కువ సెక్యూరిటీ ఫీచ‌ర్లు ఉండ‌బోతున్నాయ‌ని తెలుస్తోంది. మహాత్మాగాంధీ సిరీస్-2005లో ఆర్‌బిఐ త్వరలో రూ. 100 కొత్త నోట్లను విడుదల చేస్తుందని, ఈ నోట్లలో ఇరువైపులా ఉండే నంబర్ ప్యానెల్స్ మధ్యలో ఎలాంటి లెటర్ ఉండదని కేంద్ర బ్యాంకు ఒక ప్రకటనలో తెలిపింది. 2016 ముద్రణ సంవత్సరంగా ఉండే ఈ నోట్లు డిజైన్‌లో ఇప్పుడున్న పాతనోట్ల మాదిరిగానే ఉంటాయని, అయితే నంబర్ ప్యానెల్స్‌లోని అంకెలు ఎడ‌మ నుంచి కుడికి క్రమంగా సైజు పెరుగుతూ ఉంటాయని, బ్లీడింగ్ లైన్స్, ఐడెంటిఫికేషన్ మార్కు పెద్దగా ఉంటాయని ఆర్‌బీఐ వెల్ల‌డించింది. కొత్త నోట్లతో పాటుగా ఇప్పుడున్న పాత వంద రూపాయల నోట్లు కూడా చలామణిలో ఉంటాయని కూడా ఆర్‌బిఐ తెలిపింది. ఇది కూడా చ‌ద‌వండి ఆ 11 న‌గ‌రాల్లో గృహాల‌కు గిరాకీ