ఇప్పుడు స‌రికొత్త సాంకేతిక‌త‌తో అధిక విలువ క‌లిగిన న‌గ‌దు లావాదేవీల‌న్నీ ఆదాయ‌పు ప‌న్ను శాఖ‌తో అనుసంధానించ‌బ‌డి ఉన్నాయి. మీరు బ్యాంకు ఖాతాలో ఎక్కువ డ‌బ్బు వేస్తే అది నేరుగా ఇన్‌క‌మ్ ట్యాక్స్ ఇండియా వెబ్‌సైట్లో మీ లాగిన్‌లో కనిపించేలా స‌రికొత్త ఫీచ‌ర్‌ను ప్ర‌వేశ‌పెట్టారు.
మీరు ఇన్‌క‌మ్‌ట్యాక్స్ వెబ్‌సైట్లో ఇది చూడాలంటే:
* పాన్‌నంబ‌రు,పాస్‌వ‌ర్డ్‌తో లాగిన్ అవండి
* హెడ‌ర్‌లో కాంప్లియెన్స్ ట్యాబ్‌ను క్లిక్ చేయండి
* డ్రాప్‌డౌన్‌లో లావాదేవీల సేవ‌లు క‌నిపిస్తాయి.
* అందులో అకౌంట్స్ విత్ క్యాష్ ట్రాన్స్‌క్ష‌న్ పైన క్లిక్ చేయండి

న‌గ‌దు లావాదేవీల‌ను ఎక్కువగా జ‌ర‌ప‌ని వారికి ఈ పాన్‌కు ఎటువంటి రికార్డులు లేవ‌ని చూపుతుంది.

మీ పాన్ కార్డుతో బ్యాంకు ఖాతాలు అనుసంధానం అయి ఉన్నందువ‌ల్ల ఆదాయ‌పు ప‌న్ను శాఖ బ్యాంకులావాదేవీల‌ను అన్నింటినీ ఎప్ప‌టిక‌ప్పుడు ట్రాక్ చేయ‌గ‌ల‌దు.
ఇప్పుడు ఒక ప‌రిమితి దాటి చేసే డిపాజిట్లు, విత్‌డ్రాయ‌ల్స్‌కు బ్యాంకుల్లో పాన్ కార్డు వివ‌రాల‌ను త‌ప్ప‌నిస‌రి చేశారు. ఇలా ఇన్‌క‌మ్ ట్యాక్స్ వెబ్‌సైట్లో చెక్ చేసుకున్న‌ప్పుడు మీ ఖాతాలో మీకు సంబంధించ‌ని లావాదేవీల‌ను చూపుతుంటే వెంట‌నే అధికారుల దృష్టికి తీసుకెళ్లండి.