కేంద్ర ప్రభుత్వం తీసుకున్న అనూహ్య‌ నిర్ణయం.. ఎలక్ట్రానిక్ లావాదేవీలకు ఊతమివ్వనుంది. నల్లధనం, నకిలీ కరెన్సీల నిర్మూలన కోసం 500, 1,000 రూపాయల నోట్లపై మోదీ సర్కారు మంగళవారం అర్ధరాత్రి నుంచి నిషేధం విధించింది. దీంతో 100, 50 రూపాయల నోట్లు
అంత‌కంటే త‌క్కువ విలువ క‌లిగినచిన్న నోట్లే చెల్లుబాటు కానుండగా, షాపింగ్‌మాల్స్‌లో జరిగే భారీ విక్రయాలకు కొనుగోలుదారులు క్రెడిట్, డెబిట్ కార్టులపై ఆధారపడవచ్చని నిపుణులు అభిప్రాయపడుతున్నారు. కేంద్ర ప్రభుత్వం కూడా నగదు లావాదేవీలను తగ్గించి ఎలక్ట్రానిక్ లావాదేవీలను పెంచాలని లక్ష్యంగా పెట్టుకున్నది తెలిసిందే. దీంతో ఆ లక్ష్యం కూడా నెరవేరే వీలుందని వారు పేర్కొంటున్నారు. ఎలక్ట్రానిక్ లావాదేవీలతో ప్రతీ లావాదేవీ చట్టబద్ధం అవుతుందని, నకిలీ కరెన్సీకి కూడా చెక్ పెట్టినట్లు అవుతుందని వారు విశ్లేషిస్తున్నారు. నాస్కామ్ అధ్య‌క్షుడు చంద్ర‌శేఖ‌ర్ మాట్లాడుతూ మొత్తం డ‌బ్బు బ్యాంకు ఖాతాల్లోకి లేదా ప‌న్ను ప‌రిధిలోకి వ‌స్తే ఎల‌క్ట్రానిక్ చెల్లింపులు పెరుగుతాయ‌ని అభిప్రాయ‌ప‌డ్డారు.