ఆన్‌లైన్ పీపీఎఫ్ సౌక‌ర్యాన్ని అందిస్తున్న బ్యాంకులు

మీరు పీపీఎఫ్ ఖాతాను తెరిచేందుకు చాలా ప్ర‌యాస‌ప‌డ్డారా? అవును ఎంతో స‌మ‌యం వెచ్చించి బ్యాంకు శాఖ‌కు వెళ్లి చాలా మంది కష్ట‌ప‌డే ఉంటారు. మ‌ళ్లీ క‌నీసం డ‌బ్బు చెల్లింపున‌కు అయినా ఆన్‌లైన్‌లో సౌక‌ర్య‌వంతంగా ఉంటే ప‌ర్వాలేదు. ఇప్పుడు ఆ బ్యాంకుతో విసుగుచెందుతున్నారా. అయితే ఇది మీ కోస‌మే. చాలా బ్యాంకులు ఆన్‌లైన్ పీపీఎఫ్ ఖాతా తెరిచే, డ‌బ్బు బ‌దిలీ చేసే స‌దుపాయాన్ని ప్రారంభించాయి. అందులో కొన్ని మీ కోసం
ఇది కూడా చ‌ద‌వండి పీపీఎఫ్‌పై రుణం తీసుకుంటున్నారా? అయితే ఇవి తెలుసుకోండి
ఎస్‌బీఐ
దేశంలోనే అతిపెద్ద బ్యాంకుగా ఉన్న ఎస్‌బీఐ సాంకేతిక‌ప‌రంగా ఎప్పుడూ అప్‌గ్రేడ్ అవుతూనే ఉంటుంది. ఈ బ్యాంకులో మీరు ఆన్‌లైన్‌లోనే డ‌బ్బులు చెల్లించేందుకు అవ‌కాశం ఉంది. పీపీఎఫ్ ఖాతాకు ఏ బ్యాంకు నుంచ‌యినా డ‌బ్బులు బ‌దిలీ చేయ‌వ‌చ్చు. అయితే ఎస్‌బీఐలో పీపీఎఫ్ ఖాతాను తెర‌వ‌లేక‌పోవ‌డం ప్ర‌తికూల‌త‌.

కెన‌రా బ్యాంకు
కెన‌రా బ్యాంకు ఖాతాదార్లు పీపీఎఫ్ ఖాతాను ఆన్‌లైన్‌లో తెరిచి, న‌గ‌దు బ‌దిలీల‌ను సైతం ఆన్‌లైన్‌లో చేప‌ట్ట‌వ‌చ్చు. స్టేట్‌మెంట్‌ను సైతం లాగిన్ అయి చూసుకోవ‌చ్చు. టెక్నాల‌జీ ప‌రంగా అధునాత‌న సౌక‌ర్యాల‌ను ఈ బ్యాంకు అందిస్తోంది

ఐసీఐసీఐ బ్యాంకు
మీకు ఐసీఐసీఐ బ్యాంకులో ఖాతా ఉన్నా, వేరే ఏ బ్యాంకులో ఖాతా ఉన్నా మీరు ఐసీఐసీఐ బ్యాంకులో ఉన్న పీపీఎఫ్ ఖాతాలోకి ఫండ్‌ట్రాన్స్‌ఫ‌ర్ ఆన్‌లైన్‌లో చేప‌ట్ట‌వ‌చ్చు. ఖాతా తెరిచేందుకు అవ‌స‌ర‌మ‌య్యే ఫారం, నామినీ ఫారం ఐసీఐసీఐ బ్యాంకు వెబ్‌సైట్‌లో ల‌భించ‌డం సానుకూలాంశం.

యాక్సిస్ బ్యాంకు
యాక్సిస్ బ్యాంకు ఫండ్ ట్రాన్స్‌ఫ‌ర్‌ను ఆన్‌లైన్‌లో చేసుకునే వీలును క‌ల్పిస్తోంది. అయితే కొన్ని శాఖ‌లు మాత్ర‌మే పీపీఎఫ్ ఖాతాను తెరిచే సౌక‌ర్యం క‌లిగి ఉన్నాయి. మీకు ద‌గ్గ‌ర్లో ఉన్న బ్యాంకు శాఖ‌లో పీపీఎఫ్ ఖాతా తెరిచే స‌దుపాయం లేక‌పోతే మొద‌టి సారి అధీకృత బ్యాంకు శాఖ‌లో ఖాతాను తెరిచి త‌దుప‌రి లావాదేవీల‌ను ఆన్‌లైన్‌లో చేసుకోవ‌చ్చు.

పీపీఎఫ్ ట్రాన్స్‌ఫ‌ర్ ఆన్‌లైన్‌లో చేసుకునేందుకు వీలున్న బ్యాంకులు

* స్టేట్‌ బ్యాంక్ ఆఫ్ మైసూర్‌

* ఐడీబీఐ బ్యాంక్‌