మూడో స్థానంలో ఒప్పో

అయితే కౌంట‌ర్ పాయింట్ అనే డేటా రీసెర్చ్ సంస్థ వాద‌న మ‌రోలా ఉంది. యాపిల్ మార్కెట్ వాటా భార‌త్‌లో 5.6% ఉండ‌గా,ఒప్పో 7% క‌లిగి ఉన్న‌ట్లు చెబుతోంది. ఎలా చూసిన ఒప్పో మూడో స్థానంలో ఉంది. మొద‌టి స్థానంలో ఎప్ప‌టిలాగే శ్యామ్‌సంగ్ ఉంటూ వ‌స్తోంది. కొత్త‌గా మార్కెట్‌లోకి వ‌చ్చిన రిల‌య‌న్స్ లైఫ్ సైతం త‌న ప్ర‌భావాన్ని చూపుతోంది.

జీఎఫ్‌కే డేటా

జీఎఫ్‌కే ప్ర‌కారం శ్యామ్‌సంగ్ ఆగ‌స్టు నెల మార్కెట్ వాటా 46.9% గా ఉంది. ఒప్పో మార్కెట్ వాటా 8శాతంగా ఉండ‌గా, యాపిల్ వాటా 6.6%గా ఉంది. వినియోగదారుల అమ్మ‌కాల ఆధారంగా దీన్ని రూపొందించారు.

కౌంట‌ర్ పాయింట్ రీసెర్చి

ఈ సంస్థ స‌మాచారం ప్ర‌కారం లెనోవా-మోటారోలా 8.5% మార్కెట్ వాటాను క‌లిగి ఉండ‌గా, ఒప్పో 7% వాటాతో మార్కెట్‌లో 3వ స్థానాన్ని ద‌క్కించుకుంది. చైనా కంపెనీ జియోమి 6.8% మార్కెట్ వాటాను క‌లిగి ఉండ‌గా యాపిల్ కేవ‌లం 5.6% వాటాతో 6వ స్థానంలో ఉంది.

ఒప్పో మార్కెట్ విజ‌యానికి కార‌ణాలు

పాయింట్ ఆఫ్ సేల్స్‌, స‌ర్వీస్ సెంట‌ర్ల‌ను బాగా పెంచింది. రిటైల‌ర్ల ద‌గ్గ‌ర అమ్మ‌కాలు పెంచే విధంగా ప్ర‌ణాళిక‌లు త‌యారుచేసింది. మార్కెటింగ్ వినూత్న ప్ర‌చారాల‌తో యువ‌త‌ను బాగా ఆక‌ట్టుకోగ‌లిగింది. దేశీయ మార్కెట్‌లో శ్యామ్‌సంగ్ అత్య‌ధిక వాటా ద‌క్కించుకునేందుకు సైతం కార‌ణం ఇదే.

యాపిల్ వాటా త‌గ్గేందుకు కార‌ణం

కౌంట‌ర్ పాయింట్ విశ్లేష‌కుడు త‌రుణ్ పాఠ‌క్ విశ్లేష‌ణ ప్ర‌కారం యాపిల్ మొత్తం అమ్మ‌కాల్లో 60 శాతం పాత మోడ‌ళ్ల నుంచే ఉంటున్నాయి. కొత్త మోడ‌ళ్లు రాక‌పోవ‌డ‌మే అమ్మ‌కాలు తక్కువ అవ‌డానికి కార‌ణం. ఈ ఏడాది ప్రారంభం నుంచి అమ్మ‌కాల్లో 5ఎస్ ఉంది. అందుకే టాప్‌5 అమ్మ‌కాలు క‌లిగిన సంస్థ‌ల జాబితాలో లేదు. ప్ర‌స్తుతం మార్కెట్‌లోకి అక్టోబ‌ర్ 7 నుంచి ఐఫోన్ 7ఎస్ వ‌స్తుంది. దాని అమ్మ‌కాలు ప్రారంభ‌మైన త‌ర్వాత యాపిల్ అమ్మ‌కాలు పెరిగి తిరిగి టాప్‌5 మార్కెట్ వాటాదారుల్లో యాపిల్ నిలుస్తుంద‌ని భావిస్తున్నాం.

ఒప్పో

అంత‌ర్జాతీయ ఎల‌క్ట్రానిక్స్, టెక్నాల‌జీ సేవ‌ల కంపెనీ ఒప్పో. ఇది లేటెస్ట్, స‌రికొత్త మొబైల్ ఎల‌క్ట్రానిక్ ప‌రికాల‌ను త‌యారుచేస్తుంది. చైనా ప్ర‌ధాన కేంద్రంగా ఇది ప‌నిచేస్తోంది. 20 దేశాల్లో దీనికి మార్కెట్ ఉంది. అమెరికా, చైనా,ఆస్ట్రేలియా, యూర‌ప్, ద‌క్షిణాసియా దేశాలు,ఆగ్నేసియా దేశాలు, మిడిల్ ఈస్ట్‌, ఆఫ్రికా దేశాల్లో దీనికి అమ్మ‌కాలు ఉన్నాయి.