ఆగ‌స్టు,2016 నాటికి కేంద్రం వ‌సూలు చేస్తున్న ప‌న్ను వ‌సూళ్లు బాగా పెరిగి 5.25 ల‌క్ష‌ల కోట్ల‌కు చేరాయి. ఆర్థిక శాఖ సోమ‌వారం విడుద‌ల చేసిన వివ‌రాల ప్ర‌కారం ఏప్రిల్ నుంచి ఆగ‌స్టు నాటికి బాగా పెరిగాయి. 15.03 శాతం పెరుగుద‌ల‌తో ప్ర‌త్య‌క్ష ప‌న్నుల‌ వ‌సూళ్లు రూ. 1.89 ల‌క్ష‌ల కోట్ల‌కు చేరాయి. స్థూల కార్పొరేట్ ప‌న్ను వ‌సూళ్లు 11.55 శాతం పెరిగిన‌ప్ప‌టికీ నిక‌ర వ‌సూళ్లు 1.89 శాతం త‌గ్గాయి. రీఫండ్‌లే ఇందుకు కార‌ణం. వ్య‌క్తిగ‌త ఆదాయ‌పు ప‌న్ను వ‌సూళ్లు 31.76% మేర పెరిగాయి.

సెంట్ర‌ల్ ఎక్సైజ్ సుంక వ‌సూళ్లు 48.8% పెరిగి ఏప్రిల్‌-జులై మ‌ధ్య రూ. 1.53 ల‌క్ష‌ల కోట్ల‌కు చేరాయ‌. ఇదే కాలంలో సేవా ప‌న్ను వ‌సూళ్లు 23.2% పెరిగి రూ. 92,696 కోట్ల‌కు చేరాయి. ఏప్రిల్ నుంచి ఆగ‌స్టు మ‌ధ్య క‌స్టం సుంకం వసూళ్లు 5.07% పెరిగి రూ. 90448 కోట్ల‌కు పెరిగాయి. మొత్తానికి ఆగ‌స్టు మాసాంతానికి బ‌డ్జెట్‌లో పెట్టుకున్న‌ల‌క్ష్యాల్లో 43.2 శాతం ప‌న్ను వ‌సూళ్లు పూర్త‌య్యాయ‌ని ఆర్థిక శాఖ తెలిపింది.